قر پارلامەنتٸ مەجٸلٸسٸنٸڭ دەپۋتاتى ايدوس سارىم «جاڭا قازاقستان» دەپۋتاتتىق توبىنىڭ قانداي قۇقىقتارى بولاتىندىعىن ايتتى, دەپ حابارلايدى قازاقپارات.
«جالپى پارلامەنتتٸڭ رەگلامەنتٸ مەن كونستيتۋتسييالىق زاڭ بويىنشا دەپۋتاتتىق توپ تٸركەلگەننەن كەيٸن پارلامەنتتٸك تىڭداۋ ۇيىمداستىرۋعا, دەپۋتاتتىق ساۋال جولداۋعا, كەز كەلگەن ٷكٸمەتتٸك ۇيىمنىڭ باسشىسىن شاقىرۋعا, ەسەپ الۋعا, قۇجاتتارىن سۇراتۋعا قاقىسى بار. ەستەرٸڭٸزدە بولسا, سوڭعى شاقىرىلىمدا دەپۋتاتتىق توپتار بولعان جوق. بٸزدٸڭ جۇمىسىمىز ٷي ٸشٸنەن ٷي تٸگۋ ەمەس. ەڭ الدىمەن مەجٸلٸستٸڭ, پارلامەنتتٸڭ جۇمىسىن بارىنشا جانداندىرۋىمىز, ەلەۋەتٸن دۇرىس پايدالانۋىمىز, ٸشكٸ رەفورمالاردى جٷزەگە اسىرۋعا كٶمەكتەسۋٸمٸز كەرەك. كٶپتەگەن باعدارلاماعا سىن ايتىلدى, اقيقات تا ايتىلدى. وعان دا باس-كٶز بولۋ قاجەت. وعان دا ساياسي قولداۋ كەرەك ەكەن», - دەدٸ سارىم ەلوردادا ۇيىمداستىرعان باسپاسٶز مەسليحاتى بارىسىندا.
ايدوس سارىم قورعاس, ۋتيلالىم, الماتىداعى «التىن وردا» بازارى سىندى تٷيتكٸلدٸ مەسەلەلەردٸ باقىلاۋدا ۇستايتىندىقتارىن اتاپ ٶتتٸ.
«بٸزدٸڭ ويىمىزشا, وسىنىڭ بەرٸنە تەك اتقارۋشى بيلٸك قانا ەمەس زاڭ شىعارۋشى بيلٸك تە تٸكەلەي ارالاسىپ, قاداعالاماسا, كەيبٸر مەسەلەلەر قالىپ قويادى, ورىندالمايدى نەمەسە ۇزاققا سوزىلىپ كەتەدٸ. وسى مەسەلەلەرگە باق-پەن, ساياسي كٷشتەرمەن قاتار ەتەنە ارالاسىپ, ەلدەگٸ ساياسي-ەكونوميكالىق جەنە باسقا دا رەفورمالار مەن جاڭعىرتۋ ٷدەرٸستەرٸن ٸلگەرلەتۋ ٷشٸن ەڭبەك ەتپەكپٸز», - دەدٸ ايدوس سارىم.
