جەر رەفورماسى جٶنٸندەگٸ كوميسسييا وتىرىسىندا ساياساتتانۋشى ايدوس سارىم جيىنعا قاتىسۋشىلارعا وسىنداي ساۋال تاستادى, - دەپ حابارلايدى ۇلت.كز تٸلشٸسٸ Qamshy.kz پورتالىنا سٸلتەمە جاساپ.
«ٷش اي بويعى جۇمىستاعى بٸزدٸڭ بار نەتيجەمٸز موراتورييدٸ سوزۋ عانا ما? مۇنى ەلگە ايتۋدىڭ ٶزٸ ۇيات سەكٸلدٸ. مەنٸڭ ۇسىنىسىم, ەكٸ-ٷش توپتى قالدىرىپ, حالىققا وسى مەسەلەنٸ تٷسٸندٸرەتٸن بٸر قۇجات ەزٸرلەۋ كەرەك. بٸز ٷش اي بويى وسىنشا ەڭگٸمە ايتىپ, حالىقپەن جٷزدەسٸپ, ەندٸ ەلباسىعا وسىنداي ۇسىنىس ايتۋىمىز ۇيات. سوندىقتان, مىناداي مەسەلەلەر بويىنشا كوميسيييا مەمٸلەگە كەلدٸ, مىنا مەسەلە بويىنشا بٸر توقتامعا كەلە المادى دەپ باسىن اشىپ جازۋ كەرەك. تەك, داۋ تۋعىزعان جەردٸ جەكە مەنشٸككە ساتۋعا بولا ما, بولماي ما دەگەن مەسەلەگە قاتىستى موراتورييدٸ سوزۋ تۋرالى ۇسىنىستى ەلباسىعا ايتايىق.
سونىمەن قاتار, كوميسسييانىڭ بەلسەندٸ مٷشەلەرٸن زاڭ جوباسىن پارلامەنتتە قورعاۋعا قاتىستىرايىق, وسىندا ايتىلعان ۇسىنىستار زاڭعا ەنۋٸ قامتاماسىز ەتٸلسٸن», - دەيدٸ ايدوس سارىم.
ساياساتتانۋشى, سونىمەن بٸرگە اقمولا وبلىسى قورعالجىن اۋدانىنداعى 27 مىڭ گەكتار جەردٸڭ گەرمانييا ازاماتىنا بەرٸلۋٸ تۋرالى دا مەسەلەنٸ مۇقييات زەرتتەۋ قاجەتتٸگٸن اتاپ ٶتتٸ.
.jpeg)