قازاقستان رەسپۋبليكاسى مەدەنيەت جەنە سپورت مينيسترلٸگٸ «ايبوز» ۇلتتىق تۇڭعىش ەدەبي سىيلىعىنا بايقاۋ جارييالادى, دەپ حابارلايدى "ۇلت اقپارات".
«ٷزدٸك پروزا», «ٷزدٸك پوەزييا», «ٷزدٸك دراما», «ٷزدٸك كٶركەم اۋدارما», «ٷزدٸك بالالار ەدەبيەتٸ», «ٷزدٸك كوميكس» جەنە «كٸتاپتىڭ ٷزدٸك ديزاينى» نوميناتسييالارى بويىنشا جەڭٸمپاز اتانعاندار 5 ميلليون تەڭگەدەن اقشالاي سىيلىق الادى. كونكۋرس نەتيجەسٸنەن سوڭ ولاردىڭ ەڭبەكتەرٸ 500 دانامەن جارىق كٶرەدٸ.
بٷگٸن ۇلتتىق ەدەبي سىيلىقتىڭ تۇساۋكەسەرٸ زييالى قاۋىم ٶكٸلدەرٸنٸڭ, اقىن-جازۋشىلاردىڭ قاتىسۋىمەن ٶتتٸ. مەدەنيەت جەنە سپورت مينيسترٸ دەۋرەن اباەۆ بۇل جوبانىڭ مٸندەتٸ – ەدەبيەتشٸلەردٸ قولداۋ عانا ەمەس, سونىمەن قاتار جازۋشىلىق ٶنەردٸڭ ايرىقشا ەلەۋمەتتٸك ماڭىزدىلىعىن قوعامعا كٶرسەتۋ ەكەنٸن اتاپ ٶتتٸ.
«باستى ماقساتىمىز – تٶل ەدەبيەتٸمٸزدٸ تىڭ دٷنيەلەرمەن تولىقتىرىپ, ونى جاڭاشا بيٸككە كٶتەرۋ, سونداي-اق, ۇلتىمىزدىڭ ەدەبي مۇراسىن مولايتىپ, وتاندىق ەدەبيەتكە جاڭا سەرپٸن بەرۋ. بۇل سىيلىقتىڭ تاعى بٸر ەرەكشەلٸگٸ – ٷزدٸك دەپ تانىلعان شىعارمالار باسىپ شىعارىلىپ, كٸتاپحانالارعا تاراتىلادى. قاتىسۋشىلاردىڭ جاسىنا, ەڭبەك جانرىنا, جازۋ تٸلٸنە شەكتەۋ جوق. ەڭ باستىسى – شىعارما مازمۇندى, ٶزەكتٸ بولۋعا تيٸس. قىسقا بولعانىمەن ەلدٸڭ ەسٸندە قالىپ, جۇرتشىلىقتىڭ اۋزىنان تٷسپەيتٸندەي تۋىندى جازسا, بەيگە سوعان بۇيىرادى. بۇل-وتاندىق كٸتاپ شىعارۋ ٸسٸ مەن ەدەبيەتتٸ قولداۋ باعىتىندا جٷزەگە اسىرىپ جاتقان ٸس-شارالاردىڭ بٸرٸ عانا. ەل پرەزيدەنتٸ بەلگٸلەپ بەرگەندەي, بٸزدٸڭ تٷپكٸ ماقساتىمىز – وقيتىن ۇلت قالىپتاستىرۋ. ول ٷشٸن بٸز «جاڭا قازاق ەدەبيەتٸ» سەريياسىن قوسا العاندا, جاس اۆتورلاردى قولداۋدىڭ جاڭاشىل تەتٸكتەرٸن قۇرىپ, مەملەكەتتٸك سۋبسيدييالاۋ كٶلەمٸن ۇلعايتىپ جاتىرمىز. گرانتتار مەن سىيلىقتار جارييالاپ, كٸتاپ جەرمەڭكەلەرٸن ٶتكٸزٸپ كەلەمٸز. بولاشاقتا پروزا, پوەزييا جەنە دراماتۋرگيياداعى ەڭ مىقتى جاس تالانتتاردى قولداۋ جەنە تابيعي قابٸلەتٸن شىڭداۋعا ارنالعان «ەدەبي زەرتحانا» اشۋدى جوسپارلاپ وتىرمىز», – دەدٸ دەۋرەن اباەۆ.
ايتا كەتەيٸك, بايقاۋعا وتاندىق جازۋشىلار قاتىسا الادى. ٶتٸنٸمدەردٸ مىنا ەلەكتروندى مەكەنجايعا 2022 جىلعى 15 ماۋسىمنان 1 قازانعا دەيٸن جٸبەرۋ قاجەت: aiboz@kitap-palatasy.kz
ەدەبي سىيلىق جىل سوڭىندا بەرٸلەدٸ (تولىعىراق www.kitap-palatasy.kz سايتىندا جازىلعان).
