فوتو: اشىق دەرەككٶز
اباي وبلىسىنىڭ اياگٶز قالاسىندا مەرزٸمدٸ قىزمەتتەگٸ ساربازدىڭ ٶلٸمٸنە قاتىستى ٸس بويىنشا سوت ٷكٸمٸ شىقتى, دەپ حابارلايدى Ult.kz.
مەنينگيتتەن قايتىس بولعان 20 جاستاعى ەسكەري قىزمەتشٸنٸڭ ٸسٸندە گوسپيتال دەرٸگەرٸ كٸنەلٸ دەپ تانىلىپ, 2 جىلعا سوتتالدى. الايدا ول راقىمشىلىققا ٸلٸگٸپ, جازادان بوساتىلدى.
سارباز 16 مامىردا دەنساۋلىعى ناشارلاپ, ەسكەري گوسپيتالعا تٷسكەن. دەرٸگەر باستاپقىدا وعان جەڭٸل دياگنوز قويىپ, دەر كەزٸندە قاجەتتٸ ەم جٷرگٸزبەگەن. ناۋقاس كەش جەتكٸزٸلگەن اۋرۋحانادا جانساقتاۋ بٶلٸمٸندە كٶز جۇمدى.
ساراپتاما ٶلٸمنٸڭ سەبەبٸ ٸرٸڭدٸ مەنينگيت ەكەنٸن كٶرسەتتٸ. مامانداردىڭ ايتۋىنشا, دەر كەزٸندە دۇرىس دياگنوز قويىلعاندا, ساربازدى امان الىپ قالۋعا بولار ەدٸ.
سوت دەرٸگەردٸ كەسٸبي مٸندەتٸن تيٸسٸنشە ورىنداماعانى ٷشٸن كٸنەلٸ دەپ تانىدى. سونداي-اق مارقۇمنىڭ وتباسىنا 12 ميلليون تەڭگەدەن استام ٶتەماقى تٶلەۋ مٸندەتتەلدٸ.
