شىعىس قازاقستان وبلىسىنىڭ اياگٶز قالاسىنداعى بالالار ارنايى ەلەۋمەتتٸك كٶمەك كٶرسەتۋ ورتالىعىندا 4 بالانىڭ ٶلٸمٸنە قاتىستى تەرگەۋ امالدارى اياقتالدى, دەپ حابارلايدى "ۇلت اقپارات".
شقو پوليتسييا دەپارتامەنتٸ باسپاسٶز قىزمەتٸنٸڭ مەلٸمەتٸنشە, ۆەدومستۆوارالىق جەدەل-تەرگەۋ توبى وبلىستىق پروكۋراتۋرانىڭ باسشىلىق ەتۋٸمەن اياگٶز قالاسىندا ورنالاسقان بالالار ارنايى ەلەۋمەتتٸك كٶمەك كٶرسەتۋ ورتالىعىندا تەربيەلەنۋشٸلەر ٶلٸمٸ بويىنشا سوتقا دەيٸنگٸ تەرگەۋ جٷرگٸزگەن.
تەرگەۋ بارىسىندا ەكسگۋماتسييا جاسالىپ, ەكٸ كوميسسييالىق سوت-مەديتسينا ساراپتاماسى جٷرگٸزٸلدٸ. كوميسسييا قۇرامىنا بالالار ينفەكتسيونيسٸ, كارديولوگ, انەستەزيولوگ-رەانيماتولوگ, نەيروحيرۋرگ, پەدياتر, نۇر-سۇلتان قالاسىنان گيستولوگ-ساراپشىلار جەنە سانيتارييالىق-ەپيدەميولوگييالىق باقىلاۋ كوميتەتٸنٸڭ ماماندارى قاتىسقان.
«ساراپتاما قورىتىندىسىنا سەيكەس, بالالاردىڭ ٶلٸمٸ ٶكپە فيبروزى, ەكٸجاقتى ٸرٸڭدٸ برونح پنەۆمونيياسى سيياقتى جاناما اۋرۋلاردىڭ سالدارىنان بولعان. سونداي-اق مەيٸتتەردٸ تەكسەرۋ بارىسىندا ٷش بالادا دەنە جاراقاتى انىقتالدى. الايدا بۇل جاراقاتتاردىڭ تەربيەلەنۋشٸلەر ٶلٸمٸنە قاتىسى جوق. وسىعان بايلانىستى اۋىر دەنە جاراقاتىن الۋ فاكتٸسٸ بويىنشا قىلمىستىق ٸس بٶلەك ٶندٸرٸسكە شىعارىلىپ, ارى قاراي تەرگەۋ امالدارى جٷرگٸزٸلمەك», - دەدٸ شقو پد باستىعىنىڭ ورىنباسارى ەلدوس زاكيموۆ.
ونىڭ ايتۋىنشا, ەلەۋمەتتٸك كٶمەك كٶرسەتۋ ورتالىعىندا تەربيەلەنۋشٸلەرگە تيٸستٸ مەديتسينالىق كٶمەك كٶرسەتپەۋ فاكتٸسٸ بويىنشا قىلمىستىق ٸس سوتقا جولدانعان.
ەستەرٸڭٸزگە سالا كەتسەك, اياگٶزدەگٸ ەلەۋمەتتٸك كٶمەك ورتالىعىندا 4 بالا كٶز جۇمعان بولاتىن.
