فوتو: Freepic.com
بيىل ەلٸمٸزدە پلاگياتقا قاتىستى 7 ٸس قارالدى. بۇل تۋرالى ەدٸلەت ۆيتسە-مينيسترٸ بوتاگٶز جاقسەلەكوۆا ايتتى, دەپ حابارلايدى Kazinform.
«پلاگياتقا قاتىستى ايتار بولسام, بٷگٸندە اۆتورلىق قۇقىقتى بۇزعانى ٷشٸن جاۋاپكەرشٸلٸك بار. جاۋاپكەرشٸلٸكتٸ قاتاڭداتۋ نەمەسە قايتا قاراۋ, ياعني كەز كەلگەن جاۋاپكەرشٸلٸكتٸ ٸسكە اسىرۋ اتالعان نورمانى قولدانۋ قۇقىعىنىڭ قورىتىندىسى بويىنشا جٷزەگە اسىرىلادى. بيىل 10 تۇلعاعا قاتىستى نەبەرٸ 7 ٸس بولدى, ونىڭ تەك ەكەۋٸ عانا پلاگيات فاكتٸسٸ. دەمەك, بٷگٸندە جاۋاپكەرشٸلٸكتٸ قاتاڭداتۋ نەمەسە كٷشەيتۋ قاجەتتٸلٸگٸن كٶرٸپ وتىرعانىمىز جوق», - دەدٸ ول ورتالىق كوممۋنيكاتسييالار قىزمەتٸندەگٸ بريفينگتە باق ٶكٸلدەرٸنٸڭ ساۋالىنا وراي.
وسى ورايدا ۆيتسە-مينيستر مەملەكەت باسشىسى بيىل زيياتكەرلٸك مەنشٸك سالاسىنداعى ەكٸ زاڭعا قول قويعانىن اتاپ ٶتتٸ.
ونىڭ بٸرٸنشٸسٸ – «تمد-عا قاتىسۋشى مەملەكەتتەردٸڭ اقپاراتتىق-تەلەكوممۋنيكاتسييالىق جەلٸلەردە اۆتورلىق قۇقىق پەن ساباقتاس قۇقىقتار وبەكتٸلەرٸنە قۇقىقتاردى ساقتاۋ جەنە قورعاۋ بويىنشا ىنتىماقتاستىعى تۋرالى كەلٸسٸمدٸ راتيفيكاتسييالاۋ تۋرالى» زاڭ. كەلٸسٸمنٸڭ ماقساتى – اۆتورلىق قۇقىق جەنە ساباقتاس قۇقىقتاردى قورعاۋ سالاسىنداعى ىنتىماقتاستىقتى ودان ەرٸ تەرەڭدەتۋ, دوستاستىققا قاتىسۋشى مەملەكەتتەر اراسىنداعى ساۋدا-ەكونوميكالىق جەنە مەدەني بايلانىستاردى كەڭەيتۋ.
ەكٸنشٸسٸ – «تمد-عا قاتىسۋشى مەملەكەتتەردٸڭ جالعان تاۋار بەلگٸلەرٸ مەن گەوگرافييالىق نۇسقاۋلاردى پايدالانۋدىڭ الدىن الۋ جەنە جولىن كەسۋ جٶنٸندەگٸ ىنتىماقتاستىعى تۋرالى كەلٸسٸمدٸ راتيفيكاتسييالاۋ تۋرالى» زاڭ. كەلٸسٸمدە تاراپتارعا جالعان تاۋار بەلگٸلەرٸ مەن گەوگرافييالىق نۇسقاۋلارى جازىلعان تاۋارلاردى ٶندٸرۋ جەنە ٶتكٸزۋ فاكتٸلەرٸنٸڭ الدىن الۋ, انىقتاۋ جەنە جولىن كەسۋ, سونداي-اق مۇنداي تاۋارلاردى تمد-عا قاتىسۋشى ەلدەردٸڭ مەملەكەتتٸك شەكارالارى ارقىلى ٶتكٸزۋ مەسەلەلەرٸ بويىنشا ىنتىماقتاستىقتى جٷزەگە اسىرۋعا مٷمكٸندٸك بەرەتٸن جاعدايلار جاساۋ كٶزدەلگەن.
