بٷگٸن قازاقستان پوليتسيياسى كٷنٸنە وراي ەلوردا ەكٸمٸ التاي كٶلگٸنوۆ قالالىق پوليتسييا دەپارتامەنتٸنە جاڭا قىزمەتتٸك كٶلٸكتەردٸڭ كٸلتٸن تابىستادى, دەپ حابارلايدى "ۇلت اقپارات".
نۇر-سۇلتان قالالىق پوليتسييا دەپارتامەنتٸ باسپاسٶز قىزمەتٸنەن مەلٸم ەتكەندەي, ۆەدومستۆو پاركٸ ەلٸمٸزدە قۇراستىرىلعان «Hyundai Elantra» جەنە «Hyundai Tucson» ماركالى 30 اۆتوكٶلٸكپەن تولىقتى. جىل سوڭىنا دەيٸن تاعى 11 اۆتوكٶلٸك تاپسىرىلادى. مەسەلەن, ٶتكەن جىلى عانا ەلوردالىق پوليتسييا اۆتوپاركٸ 65 جاڭا ماشينامەن تولىققان بولاتىن. قىزمەتتٸك اۆتوكٶلٸكتەر پاترۋلدٸك پوليتسييا پولكٸنە, مامانداندىرىلعان باتالونعا جەنە ۋچاسكەلٸك پوليتسييا ينسپەكتورلارىنا بەرٸلدٸ.
«قۇرمەتتٸ پوليتسييا قىزمەتكەرلەرٸ, سٸزدەردٸ كەسٸبي مەرەكەلەرٸڭٸزبەن شىن جٷرەكتەن قۇتتىقتايمىن! سٸزدەرگە قالا تۇرعىندارىنىڭ تىنىشتىعى مەن قاۋٸپسٸزدٸگٸن, كٶشەلەردەگٸ تەرتٸپتٸ قامتاماسىز ەتۋمەن بايلانىستى ٷلكەن جاۋاپكەرشٸلٸك جٷكتەلەدٸ. بٷگٸنگە دەيٸن مىڭداعان ادامنىڭ ٶمٸرٸن قاۋٸپتەن اراشالاپ قالدىڭىزدار!
پاندەمييا كەزٸندە دە الدىڭعى شەپتە ەڭبەك ەتتٸڭٸزدەر: كٷزەت بەكەتتەرٸندە كەزەكشٸلٸكتە بولىپ, قالانىڭ ٷزدٸكسٸز جۇمىسىن قامتاماسىز ەتتٸڭٸزدەر. مونيتورينگٸلٸك توپتاردىڭ قۇرامىندا بولىپ, سانيتارلىق تالاپتاردىڭ بۇزىلۋىنىڭ الدىن الىپ, كوروناۆيرۋستىڭ تارالماۋىنا باعا جەتپەس ٷلەس قوسىپ كەلەسٸزدەر.
ەل باسشىلىعىنىڭ تاپسىرماسى بويىنشا سٸزدەرگە قولايلى جاعدايلار جاساۋ ٷشٸن جۇمىس ٸستەيمٸز», - دەدٸ ەلوردا ەكٸمٸ التاي كٶلگٸنوۆ.
سونىمەن قاتار, قىزمەتتٸك مٸندەتتەرٸن ادال اتقارعان جەنە ەرەكشە كٶزگە تٷسكەن پوليتسييا قىزمەتكەرلەرٸنە قالا باسشىسى العىسحاتتار تابىس ەتتٸ. ولاردىڭ اراسىندا ۋچاسكەلٸك پوليتسييا ينسپەكتورلارى, پاترۋلدٸك پوليتسەيلەر, تەرگەۋشٸلەر مەن انىقتاۋشىلار بار.
