فوتو: muftyat.kz
قازاقستان مۇسىلماندارى دٸني باسقارماسىنىڭ تٶراعاسى, باس مٷفتي ناۋرىزباي قاجى تاعانۇلى قاسيەتتٸ رامازان ايىنىڭ ماڭىزى تۋرالى ايتتى, دەپ حابارلايدى Ult.kz مٷفتيياتتىڭ رەسمي سايتىنا سٸلتەمە جاساپ.
"رامازان ايىندا مۇسىلمان نەپسٸسٸن تىيا وتىرىپ, از ٸشٸپ-جەۋگە داعدىلانادى, تٷنٸن قۇلشىلىقپەن جانداندىرىپ, تاراۋىق پەن تەھەجۋد نامازدارىنا كٶڭٸل بٶلەدٸ. سونداي-اق اۋزى بەرٸك جان ارتىق سٶزدەن ساقتانىپ, سابىر مەن ۇستامدىلىققا ٷيرەنەدٸ. سونىمەن قاتار اۋىز بەكٸتۋ مەن ونى اشۋعا قاتىستى حالقىمىزدىڭ "سەرەسٸ" مەن "اۋىزاشار" دەگەن تٶل اتاۋلاردى قولدانۋى – قازاقى بولمىسىمىزعا تەن قۇندىلىق", – دەدٸ ناۋرىزباي قاجى تاعانۇلى 24KZ تەلەارناسىنا بەرگەن سۇحباتىندا.
قمدب تٶراعاسى بۇرىننان بەرٸ "يفتار" ەمەس, "سەرەسٸ" دەگەن سٶز قولدانىلعانىن ايتتى.
"بٸز بالا كەزٸمٸزدەن ورازا ۇستادىق. سول كەزدە "يفتار" دەگەن سٶزدٸ بٸلمەدٸك. سەرەسٸنە تۇرۋ – ساۋاپتى ٸس. سەرەسٸن ەجەمٸزبەن بٸرگە ٸشۋ, ەلٸ كٷنگە دەيٸن ەسٸمٸزدەن كەتپەيتٸن تارى قوسىلعان شاي, سٷت قاتقان تالقان – وسىلاردىڭ بارلىعىن بٸزگە كەزٸندە ەجەلەرٸمٸز, انالارىمىز ٷيرەتكەن. وسى دٷنيەنٸ قازٸر جالعاستىرۋدى دا قولعا الىپ جاتىرمىز. سونداي-اق اۋىزاشار ۋاقىتىن قازٸر "يفتار" دەپ كەتكەن عوي. "يفتار" دەگەن ارابتىڭ سٶزٸ. دەگەنمەن بٸز ٶزٸمٸز قازاقشالاپ, جالپى حالىق تٷسٸنەتٸن, قۇلاعىمىزعا جاعىمدى سٶزدەرمەن "اۋىزاشار" دەپ اتاعانىمىز ەلدەقايدا جاقسى", – دەدٸ قمدب باسشىسى.
ناۋرىزباي قاجى تاعانۇلى اۋىزاشاردىڭ دا ٶز ەدەبٸ بار ەكەنٸن جەتكٸزدٸ.
"ەر ەلدە اۋىزاشار ەرتٷرلٸ بولادى. بٸزدٸڭ ەلدەگٸ تەرتٸپ اتا-بابامىزدان كەلە جاتىر. اۋىزاشار ۋاقىتىندا ازان ايتىلادى. بٸزدٸڭ اتا-بابالارىمىز ونى تىڭداپ الىپ, دۇعاسىن, اۋىزاشاردىڭ باتاسىن جاساپ, اللاعا شٷكٸر ەتٸپ اۋىز اشادى", – دەدٸ ول.
