اۋىر اتلەتيكادان قازاقستان ۇلتتىق قۇراماسىنىڭ باس باپكەرٸ اۋىستى. يۋريي مەلنيكوۆتىڭ ورنىنا باقىت احمەتوۆ كەلدٸ, دەپ حابارلايدى "ۇلت اقپارات" قر اۋىر اتلەتيكا فەدەراتسيياسىنىڭ باسپاسٶز قىزمەتٸنە سٸلتەمە جاساپ.
باقىت احمەتوۆ - بۇرىننان بەلگٸلٸ قازاقستاندىق اۋىر اتلەت. 2004 جىلى ازييا چەمپيونى, 2007 جىلى ازييا چەمپيوناتىنىڭ قولا جٷلدەگەرٸ, 2002 جىلى ازييا ويىندارىنىڭ چەمپيونى جەنە 2006 جىلى ازييا ويىندارىنىڭ قولا جٷلدەگەرٸ بولعان. 2008 جىلى قىتايدا ٶتكەن جازعى وليمپيادا ويىندارىندا قازاقستاننىڭ تۋىن كٶتەرٸپ شىققان. ونىڭ باسشىلىعىمەن 2009 جىلدان باستاپ جاسٶسپٸرٸمدەر مەن جاستار قۇراماسى حالىقارالىق ارەنادا جوعارى سپورتتىق نەتيجە كٶرسەتكەن. باقىت بەشٸمبەكۇلىنىڭ شەكٸرتتەرٸ ۇلتتىق قۇرامانىڭ ساپىندا دا بار. جازيرا جاپپارقۇل, الەكساندر زايچيكوۆ, كارينا گوريچەۆا, البەرت ليندەر جەنە يگور سون سيياقتى سپورتشىلاردى باقىت احمەتوۆ تەربيەلەگەن.
«قازٸر ۇلتتىق قۇراما جاڭعىرۋ كەزەڭٸن ٶتكەرۋدە. وسى جىلدان باستاپ ەرەسەكتەر قۇراماسىنىڭ قۇرامىنا جاستاردان راحات بەكبولات, نۇرعيس ەدٸلەتۇلى, سايحان تايسۋەۆ, سايرامكەز اقمولدا, كارينا قۇزعانباەۆا, داريا احمەروۆا جەنە گٷلنۇر ىبىراي ەندٸ. باقىت احمەتوۆتىڭ ٷيلەستٸرۋٸمەن كوماندانى نىعايتۋ جوسپارلانىپ وتىر. بٸز باقىت بەشٸمبەكۇلىن تەجٸريبەلٸ جاس جاتتىقتىرۋشى جەنە كەسٸبي مەنەدجەر رەتٸندە بٸلەمٸز. وسىعان وراي ونى ەرەسەكتەر قۇراماسىنا اۋىستىرۋ تۋرالى شەشٸم قابىلداندى. يۋريي الەكساندروۆيچكە كٶپ راحمەت. ول ۇلتتىق قۇرامانى قيىن كەزەڭدە باسقاردى. ونىڭ باسشىلىعىمەن بٸزدٸڭ سپورتشىلار جوعارى نەتيجەگە جەتتٸ», - دەدٸ اۋىر اتلەتيكا فەدەراتسيياسىنىڭ اتقارۋشى ديرەكتورى الدييار نۇرالينوۆ.
ەسكە سالا كەتسەك يۋريي مەلنيكوۆ ۇلتتىق قۇرامانى 2016 جىلدان بەرٸ جاتتتىقتىرعان.
