بٷگٸن تايلاندتىڭ پاتتاييا قالاسىندا اۋىر اتلەتيكادان 85-شٸ ەلەم چەمپيوناتىنىڭ شىمىلدىعى تٷرٸلدٸ, دەپ حابارلايدى "ۇلت اقپارات".
اتالعان بٸرٸنشٸلٸكتە ەيەلدەر اراسىنداعى بەسەكەدە قازاقستاننان 55 كەلٸ سالماقتا زۋلفييا چينشانلو مەن 71 كەلٸ سالماقتا ەكاتەرينا بىكوۆا ەل نامىسىن قورعايدى.
ال ەرلەر اراسىندا سەگٸز زٸلتەمٸرشٸ باق سىنايدى. اتاپ ايتار بولساق, 55 كەلٸ سالماق دەرەجەسٸندە ارلي چونتەي مەن يگور سون, 81 كەلٸ سالماقتا دا ەكٸ بٸردەي اتلەتٸمٸز سىنعا تٷسەدٸ. ولار - نيجات راحىموۆ پەن ايدار قازوۆ.
ال 89 كەلٸ سالماق دەرەجەسٸندە دەنيس ۋلانوۆقا ٷمٸت ارتىلسا, 96 كەلٸ سالماقتا يليا يلينگە سەنٸم ارتامىز. 109 كەلٸ سالماقتا يبراگيم بەرسانوۆ ەل نامىسىن قورعاماق.
ايتا كەتەيٸك, پاتتايياداعى ەلەم چەمپيوناتى وليمپيادا ويىندارىنا ٸرٸكتەۋ تۋرنيرلەرٸنٸڭ ساناتىنا جاتادى.
27 قىركٷيەك كٷنٸ مەرەسٸنە جەتەتٸن جارىستا ەرلەر مەن ەيەلدەر توعىز مەدال جيىنتىعىن ساراپقا سالادى.
