اۋىلدىق جەرلەردە تۇراتىن قازاقستاندىقتار ٷشٸن «بولاشاق» حالىقارالىق باعدارلاماسىنا ارنالعان كۆوتا ساقتالادى, دەپ حابارلايدى قازاقپارات حالىقارالىق باعدارلامالار ورتالىعىنا سٸلتەمە جاساپ.
اۋىل تۇرعىندارى جەڭٸلدەتٸلگەن شارتتارمەن «بولاشاق» حالىقارالىق ستيپەنديياسىن تاعايىنداۋ ٷشٸن كونكۋرستىق ٸرٸكتەۋگە قاتىسا الادى.
ەرەجەگە سەيكەس, حالىقارالىق كۆوتالىق ستيپەنديياعا سوڭعى ٷش جىل بويى اۋىلدا تۇرعان ٷمٸتكەرلەر عانا ٶتٸنٸش بەرە الادى. ولار سونداي-اق, سوڭعى ەكٸ جىلدا اۋىلدىق جەردە جۇمىس ٸستەۋٸ كەرەك.
سونىمەن قاتار, GPA – اۋىلدىق كۆوتا بويىنشا ٷمٸتكەرلەر ديپلومىنىڭ ورتاشا بالى 4,00-دٸڭ ٸشٸندە 2,67-دەن كەم بولماۋى قاجەت. سونداي-اق مەملەكەتتٸك تٸلدەن ۆ1 دەڭگەيٸنەن كەم ەمەس, شەت تٸلٸ بويىنشا IELTS-تى 9,0 بالدان كەمٸندە 6,0 بالل العانى تۋرالى سەرتيفيكات بولۋى مٸندەتتٸ.
اۋىل تۇرعىندارى قۇجات تاپسىرۋ كەزٸندە شەتەلدٸك جوو-ىنا ٶز بەتٸنشە تٷسۋگە مٸندەتتٸ ەمەس. اۋىلدىق كۆوتا بويىنشا ستيپەندياتتار تٸل كۋرستارىنان ٶتٸپ, ستيپەندييا تاعايىندالعاننان كەيٸن باعدارلاما بويىنشا ۇسىنىلعان جوو تٸزٸمٸنەن وقۋ ورنىن تاڭداي الادى.
«اۋىلدىق كۆوتاعا تٷسكەن ستيپەندياتتىڭ كەپٸلگە قوياتىن مٷلٸگٸ بولماسا, بەس كەپٸلگەر ۇسىنىلۋى مٷمكٸن. ول 50 جاسقا تولماعان, سوڭعى 12 ايدا تۇراقتى تابىسى بار قازاقستان رەسپۋبليكاسىنىڭ ازاماتى بولا الادى. سونىمەن قاتار, اۋىلدىق كۆوتا بويىنشا ٷمٸتكەرلەر ٷشٸن جۇمىستان بوساتۋعا جەڭٸلدٸكتەر قاراستىرىلعان.
ٶڭٸرلەرگە جۇمىسقا باراتىن تٷلەكتەر ٷشٸن جۇمىس مەرزٸمٸ قىسقارتىلدى. ولار 5 جىل ەمەس, 3 جىل جۇمىس ٸستەۋٸ كەرەك. بۇل شارا ٶڭٸرلەرگە بارىپ, اۋىلدا جۇمىس ٸستەيتٸن بولاشاقتىقتاردىڭ ٷلەسٸن ارتتىرادى دەپ سەنەمٸز», - دەدٸ «حالىقارالىق باعدارلامالار ورتالىعى» اق باسقارما تٶراعاسى ەنۋار جانعوزين.
ايتا كەتەيٸك, قۇجاتتاردى قابىلداۋ جەنە كونكۋرستىق ٸرٸكتەۋ پروتسەسٸ تولىعىمەن اۆتوماتتاندىرىلدى. بۇل حالىقارالىق ستيپەندييا سىيلىعىنىڭ اشىقتىعىن قامتاماسىز ەتتٸ. ٶتٸنٸش بەرۋشٸلەر eGov مەملەكەتتٸك قىزمەت كٶرسەتۋ پورتالى ارقىلى ٶڭٸردەن شىقپاي-اق ٶتٸنٸش بەرٸپ, ٸرٸكتەۋدٸڭ بارلىق ساتىلارىنان ٶتە الادى.
ەستەرٸڭٸزگە سالا كەتەيٸك, بيىل «بولاشاق» حالىقارالىق باعدارلاماسى بويىنشا جەتەكشٸ شەتەلدٸك جوعارى وقۋ ورىندارىنا ماگيستراتۋرا, دوكتورانتۋرا جەنە رەزيدەنتۋراعا وقۋعا قابىلداۋ 14 قازانعا دەيٸن جالعاسادى. تاعىلىمدامادان ٶتۋ ٷشٸن قۇجاتتاردى قابىلداۋ 5 قىركٷيەكتە باستالىپ, 2022 جىلدىڭ 14 قازانىنا دەيٸن جالعاسادى.
2022 جىلى ماگيستراتۋرا مەن رەزيدەنتۋراعا 385 شەكٸرتاقى, دوكتورانتۋراعا 60 شەكٸرتاقى بٶلٸندٸ.
«بولاشاق» باعدارلاماسىنىڭ شارتتارىنا سەيكەس مەملەكەت ستۋدەنتتەرگە وقۋ اقىسىن, ەكٸ جاققا بارۋ رەيسٸن, سونداي-اق مەديتسينالىق ساقتاندىرۋ مەن اي سايىنعى ستيپەندييانى تٶلەيدٸ. شەكٸرتاقى مٶلشەرٸ بەلگٸلٸ بٸر ەلدەگٸ قالاعا جەنە ٶمٸر سٷرۋ دەڭگەيٸنە بايلانىستى ٶزگەرەدٸ. مىسالى, نيۋ-يورك پەن لوندوندا اي سايىنعى شەكٸرتاقى 2 مىڭ اقش دوللارىنان اسادى.
