يندۋسترييا جەنە ينفراقۇرىلىمدىق دامۋ بٸرٸنشٸ ۆيتسە-مينيسترٸ قايىربەك ٶسكەنباەۆ اۋىلدى جەردە ٶز قىزمەتكەرلەرٸنە باسپانا سالعان جۇمىس بەرۋشٸلەرگە قۇرىلىس شىعىندارىنىڭ 50 پايىزىن سۋبسيدييالاۋ قالاي ٸسكە اساتىنىن تٷسٸندٸردٸ, دەپ حابارلايدى "ۇلت اقپارات".
«سونداي-اق, اۋىلدا تۇرعىن ٷي سالۋ تەتٸگٸن ەنگٸزۋدٸ ۇسىنىپ وتىرمىز. بۇل تەتٸك بويىنشا مەملەكەت باسشىسىنىڭ تاپسىرماسىنا سەيكەس اۋىلداردا قىزمەتكەرلەر ٷشٸن تۇرعىن ٷي سالۋ كەزٸندە جۇمىس بەرۋشٸ شىعىندارىنىڭ 50%-ىن سۋبسيدييالاۋ كٶزدەلگەن. ياعني, جۇمىس بەرۋشٸلەر سول اۋىلدا ٶزٸنە قاجەت ماماندارعا ٷي سالۋ ٷشٸن اقشا جۇمسايمىن دەسە, جەرگٸلٸكتٸ ەكٸمشٸلٸكتەرگە تٸزٸمٸن بەرەدٸ. ەكٸمشٸلٸكتەر ول تٸزٸمدٸ بٸزگە جولدايدى. بٸز ول جوبالاردى تەكسەرگەننەن كەيٸن رۇقسات بەرەمٸز. وسىلايشا اۋىلدا جۇمىس بەرۋشٸ ازاماتتار ٶز قىزمەتتەرٸنە ٷي سالعاننان كەيٸن وعان كەتكەن شىعىننىڭ 50 پايىزىن مەملەكەت سۋبسيدييا ارقىلى قايتارىپ بەرەدٸ», - دەدٸ ۆيتسە-مينيستر ورتالىق كوممۋنيكاتسييالار قىزمەتٸندە.
ونىڭ ايتۋىنشا, قازٸرگٸ تاڭدا 76 اۋداندا 2 855 تۇرعىن ٷيگە قاجەتتٸلٸك بار. ياعني ولاردىڭ قۇرىلىسىن سۋبسيدييالاۋ ٷشٸن رەسپۋبليكالىق بيۋدجەتتەن 14,3 ملرد. تەڭگە بٶلۋ قاجەت.
