قازاقستان ازاماتتارىنا دا جەردٸ جەكەمەنشٸككە بەرۋگە بولمايدى. بۇل تۋرالى جەر رەفورماسى جٶنٸندەگٸ كوميسسييانىڭ 1-وتىرىسىندا قوعام قايراتكەرٸ مۇرات ەبەنوۆ ايتتى, دەپ حابارلايدى "ۇلت اقپارات".
«شەتەلدٸكتەرگە قاتىستى مەسەلە بويىنشا پرەزيدەنت بارلىق جاۋاپكەرشٸلٸكتٸ موينىنا الدى. جەر شەتەلدٸكتەرگە جالعا دا بەرٸلمەيدٸ, ساتىلمايدى دا. بەرٸمٸز قولدايمىز. سول ارقىلى كوميسسييانىڭ بٸر ٷلكەن جۇمىسى شەشٸلدٸ دەپ ويلايمىن. تاعى بٸر مەسەلە - بٸزدٸڭ ازاماتتارعا جەكەمەنشٸككە اۋىل شارۋاشىلىعى جەرلەرٸن بەرۋ. بۇل - نەگٸزگٸ مەسەلەلەردٸڭ بٸرٸ. جەكە ٶزٸم اۋىل شارۋاشىلىعى جەرلەرٸن جەكەمەنشٸككە بەرۋگە قارسىمىن. قارسى بولاتىن سەبەبٸم, ازاماتتاردىڭ 99 پايىزى اۋىل شارۋاشىلىعى جەرٸن يەلەنبەگەن. كەزٸندە جەر بٶلٸنگەندە باسى-قاسىندا بولماعان, وعان قىزىقپاعان. سول ازاماتتاردىڭ 99 پايىزى جەر مەسەلەسٸنە ارالاسۋى تيٸس», - دەدٸ كوميسسييانىڭ بٸرٸنشٸ وتىرىسىندا مۇرات ەبەنوۆ.
سونىمەن قاتار ول جالعا جەر بەرۋ نارىعىن دامىتۋ قاجەتتٸگٸن اتاپ ٶتتٸ.
«كٶپ ەلدە جەردٸ جالعا بەرۋ نارىعى بار. جىلدان-جىلعا باعاسىن بەلگٸلەپ وتىرادى جەنە ازاماتتار جالعا بەرۋ ارقىلى تابىس تاۋىپ وتىر. مەنٸڭشە بۇل - كٶپ مەملەكەتتە قولدانىستاعى تيٸمدٸ جٷيە. بٸزگە دە سونى پايدالانۋعا بولادى», - دەدٸ ول.
