«اۋىل» پارتيياسى اۋىل شارۋاشىلىعى تاۋارلارىن ٶندٸرۋشٸلەرگە جىلدىق ٶتەماقىسى 2 پايىزدى قۇرايتىن نەسيە بەرۋ جٷيەسٸن ۇسىنادى. بۇل تۋرالى «اۋىل» حالىقتىق-دەموكراتييالىق پاتريوتتىق پارتيياسىنىڭ تٶراعاسى ەلي بەكتاەۆ ايتتى, دەپ حابارلايدى قازاقپارات.
«قازاگرو» حولدينگٸ مەن ونىڭ ەنشٸلەس ۇيىمدارىنا جىل سايىن قوماقتى سوما بٶلٸنسە دە, شارۋالاردىڭ قارجى قاجەتتٸلٸگٸنٸڭ جارتىسى عانا ٶتەلۋدە. نەسيە سىياقىسىن سۋبسيدييالاۋ باعدارلاماسى جاسالسا دا, ەكٸنشٸ دەڭگەيلٸ بانكتەردٸڭ اۋىل شارۋاشىلىعىنا بەت بۇرعىسى جوق. بٸز ٶزٸمٸزدٸڭ سايلاۋالدى باعدارلامامىزدا اۋىل شارۋاشىلىعى تاۋارلارىن ٶندٸرۋشٸلەرٸنە ۇزاق مەرزٸمدٸ, جىلدىق ٶتەماقىسى 2 پايىزدى قۇرايتىن نەسيەلەر بەرۋ جٷيەسٸن قالىپتاستىرۋدى ۇسىنىپ وتىرمىز. وسىنداي قولداۋ ارقىلى عانا اۋىل ٶندٸرٸسٸن كٶتەرۋگە بولادى دەپ ەسەپتەيمٸز», - دەدٸ ول پارتييانىڭ كەزەكتەن تىس XVIII سەزٸندە.
ونىڭ پايىمىنشا, مەملەكەتٸمٸزدە اگرارلىق سەكتور ەكونوميكانى العا سٷيرەيتٸن لوكوموتيۆ بولاتىنىنا كٷمەن جوق.
«اۋىل شارۋاشىلىعى بولاشاقتا مۇناي مەن گاز سيياقتى جەراستى بايلىقتارىنىڭ ورنىن باساتىن جەردٸڭ ٷستٸندەگٸ التىن قازىناعا اينالاتىن مٷمكٸندٸگٸ بار. «التىن, كٷمٸس – تاس ەكەن, ارپا, بيداي اس ەكەن», - دەگەن مەتەلدٸڭ زامانى كەلدٸ. ادامعا قىمبات ٷي, كيٸم, كٶلٸك ەمەس, ەڭ الدىمەن اس كەرەك, سول ارقىلى مىقتى دەنساۋلىق كەرەك», - دەدٸ ەلي بەكتاەۆ.
