«اۋىل» حالىقتىق-دەموكراتييالىق پاتريوتتىق پارتيياسى اۋىلداعى مەديتسينالىق قىزمەتكەرلەرگە كوروناۆيرۋستىق ينفەكتسيياسى بار ناۋقاستاردى ەمدەۋ جٶنٸندە ونلاين سەمينار ٶتكٸزدٸ, دەپ حابارلايدى قازاقپارات.
ونلاين سەمينارعا 100-گە جۋىق اۋىل دەرٸگەرلەرٸ, فەلدشەرلەر, تٷرلٸ ساناتتاعى مەديتسينا قىزمەتكەرلەرٸ Zoom پلاتفورماسى ارقىلى قوسىلدى.
جيىندى «اۋىل» پارتيياسىنىڭ بەلسەندٸسٸ, جوعارى ساناتتى نەۆرولوگ-ەپيلەپتولوگ التىناي ەلۋباەۆا مەن جوعارى ساناتتى نەۆرولوگ دەرٸگەرٸ گٷلنازييا يدەنوۆا جٷرگٸزدٸ. ولار پاندەمييا كەزٸندە كوروناۆيرۋس ينفەكتسيياسى بار ناۋقاستاردى ەمدەۋگە قاتىسقان.
«پاندەمييا كەزٸندە بٸزدٸڭ پارتييا اۋىلداردى ارالاپ, مەديتسينالىق قىزمەتتەردٸڭ ساپاسىنا مونيتورينگ جٷرگٸزدٸ. ەرينە وندا مەديتسينا قىزمەتكەرلەرٸمەن, اۋىل تۇرعىندارىمەن كەزدەسٸپ, وسى ٸندەت تۋرالى اقپاراتتىڭ جەتكٸلٸكسٸز ەكەنٸن كٶردٸك. ساپار بارىسىندا بٸز اۋىل تۇرعىندارىنا قانداي الدىن الۋ شارالارىن جٷرگٸزۋ كەرەكتٸگٸن تٷسٸندٸردٸك, سۇراقتارعا جاۋاپ بەردٸك. كەيبٸر اۋىلداردا مەديتسينالىق پۋنكتتەر جوق. بۇل دا - ٷلكەن مەسەلە, ادامدار جٷگٸنەتٸن جەر جوق», - دەيدٸ نەۆرولوگ-ەپيلەپتولوگ دەرٸگەر التىناي ەلۋباەۆا.
ونىڭ ايتۋىنشا, سەمينار جرۆي مەن كوروناۆيرۋستىق ينفەكتسيياعا قاتىستى ٶزەكتٸ مەسەلەلەرگە ارنالعان, مۇندا ناۋقاستاردى ەمدەۋ بويىنشا كەڭەس بەرٸلدٸ.
«مەسەلەن, ناۋقاستا تىنىس الۋ جەتكٸلٸكسٸزدٸگٸ بايقالسا, ەڭ الدىمەن ناۋقاس باسقالارعا ۆيرۋس جۇقتىرماس ٷشٸن شارا قابىلداۋ قاجەت. بۇقارالىق ٸس-شارالار مەن وتباسىلىق مەرەكەلەردٸ ازايتۋ ٷشٸن مەديتسينا قىزمەتكەرلەرٸ حالىققا ٷندەۋ جاساۋى تيٸس. سەبەبٸ سيمپتومسىز تاسىمالداۋشىلار ساۋ ادامدارعا اۋرۋ جۇقتىرۋى مٷمكٸن», - دەيدٸ دەرٸگەر.
سەمينار سپيكەرلەرٸ اۋىل دەرٸگەرلەرٸنە ۆيرۋس ينفەكتسييالارىنان قورعاۋ ٷشٸن قانداي الدىن الۋ شارالارىن جٷرگٸزۋدٸ تٷسٸندٸرٸپ, قاتىسۋشىلاردىڭ سۇراقتارىنا جاۋاپ بەردٸ.
