«Aýyl» halyqtyq-demokratiialyq patriottyq partiiasy aýyldaǵy meditsinalyq qyzmetkerlerge koronavirýstyq infektsiiasy bar naýqastardy emdeý jóninde onlain seminar ótkizdi, dep habarlaidy QazAqparat.
Onlain seminarǵa 100-ge jýyq aýyl dárigerleri, feldsherler, túrli sanattaǵy meditsina qyzmetkerleri Zoom platformasy arqyly qosyldy.
Jiyndy «Aýyl» partiiasynyń belsendisi, joǵary sanatty nevrolog-epileptolog Altynai Elýbaeva men Joǵary sanatty nevrolog dárigeri Gúlnaziia Idenova júrgizdi. Olar pandemiia kezinde koronavirýs infektsiiasy bar naýqastardy emdeýge qatysqan.
«Pandemiia kezinde bizdiń partiia aýyldardy aralap, meditsinalyq qyzmetterdiń sapasyna monitoring júrgizdi. Árine onda meditsina qyzmetkerlerimen, aýyl turǵyndarymen kezdesip, osy indet týraly aqparattyń jetkiliksiz ekenin kórdik. Sapar barysynda biz aýyl turǵyndaryna qandai aldyn alý sharalaryn júrgizý kerektigin túsindirdik, suraqtarǵa jaýap berdik. Keibir aýyldarda meditsinalyq pýnktter joq. Bul da - úlken másele, adamdar júginetin jer joq», - deidi nevrolog-epileptolog dáriger Altynai Elýbaeva.
Onyń aitýynsha, seminar JRVI men koronavirýstyq infektsiiaǵa qatysty ózekti máselelerge arnalǵan, munda naýqastardy emdeý boiynsha keńes berildi.
«Máselen, naýqasta tynys alý jetkiliksizdigi baiqalsa, eń aldymen naýqas basqalarǵa virýs juqtyrmas úshin shara qabyldaý qajet. Buqaralyq is-sharalar men otbasylyq merekelerdi azaitý úshin meditsina qyzmetkerleri halyqqa úndeý jasaýy tiis. Sebebi simptomsyz tasymaldaýshylar saý adamdarǵa aýrý juqtyrýy múmkin», - deidi dáriger.
Seminar spikerleri aýyl dárigerlerine virýs infektsiialarynan qorǵaý úshin qandai aldyn alý sharalaryn júrgizýdi túsindirip, qatysýshylardyń suraqtaryna jaýap berdi.
