قازاقستاندىق زارينا ديياس اۋسترالييا اشىق چەمپيوناتىنىڭ ٷشٸنشٸ اينالىمىنا شىقتى, دەپ حابارلايدى "ۇلت اقپارات".
دٷنيەجٷزٸلٸك رەيتينگتە 83-ورىندا تۇرعان ز.ديياس ەكٸنشٸ اينالىمدا ەلەمنٸڭ 66-راكەتكاسى, امەريكالىق, تٷبٸ حورۆاتييالىق بەرناردا پەرامەن كەزدەستٸ.
ٶتكەن جىلى اقش اشىق چەمپيوناتىندا قازاقستاندىق تەننيسشٸ قارسىلاسىنان 6:7 (4:7), 0:6 ەسەبٸمەن ۇتىلىپ قالعان بولاتىن.
بٸرٸنشٸ پارتييا بارىسىندا ز.ديياس ەلدەنەشە رەت برەيك-پوينتتارىن پايدالانا المادى. دەگەنمەن توعىزىنشى گەيمدە دەگەنٸنە جەتتٸ – 5:4. سوسىن سەتكە دوپ بەرگەندە, ەسەسٸن جٸبەرگەن جوق – 6:4.
ەكٸنشٸ سەتتە امەريكالىق تەننيسشٸ برەيكپەن العا شىقتى – 2:0. اقىرى ول وسى باسىمدىلىعىن ساقتاپ قالدى – 6:3. بۇل پارتييادا دا زارينانىڭ التى بٸردەي برەيك-پوينتى بولدى.
ٷشٸنشٸ, شەشۋشٸ سەتتە دە ب.پەرا برەيك جاساي الدى – 2:1. دەگەنمەن التىنشى گەيمدە ز.ديياس تارازى باسىن تەڭەستٸردٸ – 3:3. سودان كەيٸن تاعى بٸر برەيكپەن ەسەپتٸ 5:3-كە جەتكٸزدٸ. سوسىن ماتچبولىن مٷلت جٸبەرگەن جوق – 6:3.
تارتىستى ٶتكەن بەسەكە 2 ساعات 4 مينۋتقا سوزىلدى.
وسىلايشا زارينا 2020 جىلى كەتكەن ەسەسٸن قايتاردى.
ز.ديياس ٷشٸنشٸ اينالىمدا ەلەمنٸڭ 14-راكەتكاسى, «ٷلكەن دۋلىعا» تۋرنيرٸنٸڭ ەكٸ دٷركٸن جەڭٸمپازى, يسپانييالىق گاربينە مۋگۋرۋسا نەمەسە رەيتينگتە 130-ساتىداعى رەسەيلٸك ليۋدميلا سامسونوۆانىڭ بٸرەۋٸمەن كورتقا شىعادى.
