فوتو:championat.com
قازاقستاندىق ەلەنا رىباكينا ەلەمنٸڭ 1-راكەتكاسى پولشالىق يگا شۆەنتەكتٸ ۇتىپ, سپورتتىق مانسابىندا العاش رەت Australian Open تۋرنيرٸنٸڭ شيرەك فينالىنا شىقتى, - دەپ حابارلايدى "ۇلت اقپارات".
ماتچ بٸر جارىم ساعاتقا سوزىلدى. ويىن الدىندا بۋكمەكەرلٸك كەڭسەلەر شۆەنتەك جەڭٸسكە جەتەدٸ دەپ بولجاعان ەدٸ.
23 جاستاعى قازاقستاندىق ەلەمدٸك رەيتينگتٸڭ 21 جاستاعى كٶشباسشىسىن بٸر جارىم ساعاتتا 6:4, 6:4 ەسەبٸمەن جەڭدٸ. ەلەنا 6 ەيس جاساپ, 6 برەيك-پوينتتىڭ تٶرتەۋٸن مٷلت جٸبەرگەن جوق. ال قارسىلاسى 2 ەيس, 2 برەيكپەن كٶزگە تٷستٸ.
ەلەمنٸڭ 22-راكەتاسى (رىباكينا) ماتچتان سوڭ "قيىن ويىن بولدى, يگانى قاتتى قۇرمەتتەيمٸن, ونىڭ سوققىلارى مىقتى. ال مەن قيىن سەتتەردە جاقسى وينادىم دەپ ويلايمىن. بۇل - ٷلكەن جەڭٸس" دەدٸ.
ەندٸ تۋرنيردٸڭ جارتىلاي فينالىنا شىعۋ ٷشٸن قازاقستاندىق تەننيسشٸ لاتۆييالىق ەلەنا وستاپەنكومەن وينايدى. ماتچ 24 قاڭتارعا جوسپارلانعان.
ايتا كەتەيٸك, رىباكينا بىلتىر لوندوندا ٶتكەن Wimbledon جارىسىندا جەڭٸمپاز اتانعان. ول - Grand Slam جارىستارىندا جەكەلەي سىندا جەڭٸسكە جەتكەن العاشقى قازاقستاندىق تەننيسشٸ.
شۆەنتەكپەن ٶتكەن ماتچتان سوڭ ەلەنا "[Wimbledon جارىسىنداعى] جەڭٸستەن كەيٸن قازاقستان كٶپ قولداۋ الدى, كٶپ ادام مەنٸ قولداپ, جارىستارىمدى كٶرە باستادى. جەڭٸستەن سوڭ [قازاقستانعا] بارعانداعى قولداۋ كەرەمەت بولدى. مەنٸ قولدايتىن بارلىق جانكٷيەرگە العىس ايتامىن" دەدٸ.
