قازاقستاننىڭ بٸرٸنشٸ, ەلەمنٸڭ 21-راكەتكاسى ەلەنا رىباكينا اۋسترالييا اشىق چەمپيوناتىنىڭ ٷشٸنشٸ اينالىمىنا شىعا المادى, دەپ حابارلايدى "ۇلت اقپارات".
ە.رىباكينا ەكٸنشٸ كەزدەسۋٸن ەلەمنٸڭ 46-راكەتكاسى, فرانتسييالىق فيونا فەررومەن ٶتكٸزدٸ.
بۇل قارسىلاستاردىڭ ٶزارا ٷشٸنشٸ ويىنى بولاتىن. ٶتكەن جىلى سانكت-پەتەربۋرگتە ە.رىباكينا 6:3, 6:4 ەسەبٸمەن جەڭٸسكە جەتكەن ەدٸ. ال فرانتسييا اشىق چەمپيوناتىندا ف.فەررو باسىم تٷسكەن – 6:3, 4:6, 6:2.
بۇل جولى ە.رىباكينا ەسە قايتارا الماي, 4:6, 4:6 ەسەبٸمەن جەڭٸلٸس تاپتى.
بەسەكە 1 ساعات 35 مينۋتقا سوزىلدى.
ف.فەررو ٷشٸنشٸ اينالىمدا رولان گارروس تۋرنيرٸنٸڭ ٶتكەن جىلعى چەمپيونى, پولشا ٶكٸلٸ يگا شۆەنتەك نەمەسە يتالييالىق كاميلا دجوردجيدٸڭ بٸرەۋٸمەن كورتقا شىعادى.
2020 جىلى اۋسترالييا اشىق چەمپيوناتىندا ەيەلدەر اراسىندا قازاقستان تاريحىندا تۇڭعىش رەت ٷش بٸردەي تەننيسشٸ ٷشٸنشٸ اينالىمعا ٶتكەن بولاتىن. بيىل جەكەلەي سىندا زارينا ديياس پەن يۋلييا پۋتينتسەۆا عانا قالدى.
