قازاقستاندىق اننا دانيلينا جۇپتىق سىندا اۋسترالييا اشىق چەمپيوناتىنىڭ ەكٸنشٸ اينالىمىنا شىقتى, دەپ حابارلايدى قازاقپارات.
دانيلينا برازيلييالىق بەاتريس حادداد ماييامەن بٸرگە العاشقى اينالىمدا يسپانييالىق پاۋلا بادوسا – تاعى بٸر قازاقستاندىق ەلەنا رىباكينامەن كەزدەسۋٸ كەرەك ەدٸ.
بادوسا مەن رىباكينا جۇپتىق سىندا جارىسقا قاتىسۋدان باس تارتقاننان كەيٸن ولاردىڭ ورنىنا ماجارستاندىق اننا بوندار مەن گرۋزييالىق وكسانا كالاشنيكوۆا شىقتى.
قازاقستاندىق-برازيلييالىق جۇپ 6:4, 6:4 ەسەبٸمەن جەڭٸسكە جەتتٸ. ولار 1 ساعات 14 مينۋتقا سوزىلعان بەسەكە بارىسىندا 3 ەيس جاساپ, 5 برەيك-پوينتتىڭ ەكەۋٸن پايدالاندى.
جۋىردا عانا سيدنەي تۋرنيرٸنٸڭ جەڭٸمپازى اتانعان اننا مەن بەاتريستٸڭ ەكٸنشٸ اينالىمداعى قارسىلاستارى كەيٸن انىقتالادى.
