اۋعانستاننان كٶشٸپ كەلگەن 35 ادامنان تۇراتىن تٶرت وتباسى اقمولا وبلىسىنا قونىستاندىرىلۋدا, دەپ حابارلايدى قازاقپارات.
«بيىل 258 ادامعا كۆوتا بٶلٸنگەن, بٸز كۆوتانى 85 پايىزعا عانا يگەردٸك. كەلگەندەر كٶكشەتاۋ قالاسىندا, اتباسار, ساندىقتاۋ جەنە بۋراباي اۋداندارىندا ورنالاسقان. ولار بارلىق رەسٸمدەردەن ٶتٸپ, قانداس مەرتەبەسٸن الادى», - دەپ تٷسٸندٸردٸ احمەتجانوۆا.
زاڭ شەڭبەرٸندە قونىس اۋدارۋشىلارعا وتباسىنىڭ ەربٸر مٷشەسٸنە 70 ايلىق ەسەپتٸك كٶرسەتكٸشتەن (200 مىڭ تەڭگەدەن استام) بٸرجولعى جەردەماقى قاراستىرىلعان, سونداي-اق جىل ٸشٸندە ولار اي سايىن 15-تەن 30 ايلىق ەسەپتٸك كٶرسەتكٸشكە دەيٸن تۇرعىن ٷيدٸ جالداۋ جەنە كوممۋنالدىق قىزمەتتەردٸ ٶتەۋگە قاراجات الاتىن بولادى.
باسقارما باسشىسىنىڭ ايتۋىنشا, وتباسى مٷشەلەرٸ قونىستانىپ, جۇمىس تابادى.
«مىسالى, كٶكشەتاۋعا قۇرامىندا توعىز ادام بار وتباسى كەلدٸ. ولار «نوۆوپەك» جشس-دە جۇمىس ٸستەيتٸن بولادى. ولار قر ازاماتى مەرتەبەسٸن العان كەزدە ەلٸمٸزدٸڭ باسقا ازاماتتارىمەن تەڭ دەرەجەدە ٶمٸر سٷرەتٸن بولادى», - دەپ اتاپ ٶتتٸ احمەتجانوۆا.
ول اتاپ ٶتكەندەي, تەۋەلسٸزدٸكتٸڭ 30 جىلى ٸشٸندە اقمولا وبلىسىنا تۇراقتى تۇرۋعا 8983 قانداس كەلدٸ, ونىڭ قۇرامىندا 40126 ازامات بار. اعىمداعى جىلى ٶڭٸرگە بارلىعى 89 وتباسى كٶشٸپ كەلدٸ, ولاردىڭ قۇرامىندا 157 ادام بار. تالداۋ كٶرسەتكەندەي, وتباسىلاردىڭ 47,9 پايىزى موڭعولييادان, 29,5 پايىزى ٶزبەكستاننان, 12,1 پايىزى قىتايدان كەلگەن.
