اۋعانستان اۋماعىندا قازاقستان ازاماتتارى جوق. بۇل تۋرالى قر سىرتقى ٸستەر مينيسترلٸگٸنەن مەلٸم ەتتٸ, دەپ حابارلايدى "ۇلت اقپارات".
«قازٸر اۋعانستان اۋماعىندا قازاقستان ازاماتتارى جوق. بٸز بٸلەتٸن قازاقستاندىقتاردىڭ بارلىعى وسى ەلدٸڭ اۋماعىنان كەتٸپ قالعان. ديپلوماتتار ٶز قىزمەتٸن جالعاستىرۋدا, بٸز ولاردى ەۆاكۋاتسييالاۋدى جوسپارلامايمىز», - دەپ اتاپ ٶتەدٸ مينيسترلٸكتەن.
ەستەرٸڭٸزگە سالا كەتسەك, مەملەكەت باسشىسى قاسىم-جومارت توقاەۆ پرەزيدەنت ەكٸمشٸلٸگٸ مەن سىرتقى ٸستەر مينيسترلٸگٸنە اۋعانستانعا قاتىستى مەسەلەلەر بويىنشا مەملەكەتتٸك ورگانداردىڭ قىزمەتٸن ٷيلەستٸرۋ تاپسىرعان بولاتىن.
«پرەزيدەنت ەكٸمشٸلٸگٸ مەن سىرتقى ٸستەر مينيسترلٸگٸنە اۋعانستانعا قاتىستى مەسەلەلەر بويىنشا مەملەكەتتٸك ورگانداردىڭ قىزمەتٸن ٷيلەستٸرۋ تاپسىرىلدى. كابۋلداعى قازاقستان ەلشٸلٸگٸ شاعىن قۇرامدا جۇمىس ٸستەۋدە. قىزمەتكەرلەردٸڭ قاۋٸپسٸزدٸگٸن قامتاماسىز ەتۋ شارالارى قابىلدانىپ جاتىر», - دەپ جازعان ەدٸ قر پرەزيدەنتٸ Twitter-دەگٸ پاراقشاسىندا.
