مەملەكەتتٸڭ زايىرلى قاعيداتتارىنىڭ ساقتالۋىن قامتاماسىز ەتۋ جەنە دٸن جولىنداعى ازاماتتاردىڭ سۇرانىسىنا سەيكەس, دٸن ٸستەرٸ جەنە ازاماتتىق قوعام مينيسترٸلٸگٸ قۇلشىلىق بٶلمەلەرٸن (نامازحانا) اشۋعا جەنە دٸني ەدەبيەتتٸ ساتاتىن كٸتاپ دٷكەندەرٸنە ارنالعان تالاپتاردى قايتا قارادى. بۇل تۋرالى مينيسترلٸكتٸڭ باسپاسٶز قىزمەتٸ حابارلادى.
دٸن ٸستەرٸ جەنە ازاماتتىق قوعام مينيسترٸ ن.ەرمەكباەۆتىڭ بۇيرىعىمەن دٸني ەدەبيەتتٸ جەنە دٸني مازمۇنداعى ٶزگە دە اقپاراتتىق ماتەريالداردى, دٸني ماقساتتاعى زاتتاردى تاراتۋ ٷشٸن ارنايى ستاتسيونارلىق ٷي-جايلاردىڭ, سونداي-اق عيبادات ٷيلەرٸنەن (عيماراتتارىنان) تىس جەرلەردە دٸني ٸس-شارالاردى ٶتكٸزۋگە ارنالعان ٷي-جايلاردىڭ ورنالاستىرىلۋىن ايقىنداۋ جٶنٸندەگٸ جاڭا نۇسقاۋلىق قابىلداندى.
جاڭا نۇسقاۋلىققا ەنگٸزٸلگەن جاڭاشىلدىقتاردىڭ نەگٸزگٸسٸ - تەمٸرجول جەنە اۆتوۆوكزالدار, ەۋەجايلار مەن پورتتاردا دٸني ٸس-شارالاردى ٶتكٸزۋگە ارنالعان قۇلشىلىق بٶلمەلەرٸن اشۋعا قاتىستى شەكتەۋدٸڭ الىنىپ تاستالۋى. اتالعان ٶزگەرٸس - الىس جولعا شىعىپ, ساياحاتتايتىن دٸندارلاردىڭ دٸني قاجەتتٸلٸكتەرٸن قاناعاتتاندىرۋ مەن ولارعا بارىنشا جاعداي جاساۋ ماقساتىندا ەنگٸزٸلٸپ وتىر. ەلٸمٸزگە قوناق رەتٸندە كەلەتٸن نەمەسە ەل اۋماعىندا ساياحاتتاپ جٷرەتٸن دٸندارلار ۇشاقتارىن نەمەسە قاتىنايتىن كٶلٸك تٷرلەرٸن كٷتٸپ, ەۋەجايلار مەن اۆتو جەنە تەمٸرجول ۆوكزالدارىنىڭ كٷتۋ بٶلمەلەرٸندە ۇزاق ۋاقىت بويى وتىرۋعا مەجبٷر بولىپ جاتادى. سوندىقتان ولاردىڭ قۇلشىلىق جاساۋىنا اتالعان عيماراتتاردا ارنايى ورىندار بولۋى قاجەت.
بۇرىندارى مەملەكەتتٸك ورگانداردان 300 مەتر قاشىقتىقتا ورنالاسپاسا ٷي-جايلاردا قۇلىشىلىق بٶلمەلەرٸن (نامازحانا) اشۋعا شەكتەۋ قويىلاتىن, ەندٸ, 300 مەترگە دەيٸنگٸ شەكتەۋ دٸني بٸلٸم ۇيىمدارىن قوسپاعاندا, تەك بارلىق بٸلٸم مەكەمەلەرٸنٸڭ اۋماعىنا قاتىستى قولدانىلاتىن بولادى.
«سونىمەن بٸرگە, قۇلشىلىق ەتۋ بٶلمەلەرٸن اشقان ۋاقىتتا قۇلشىلىق جاساۋ ٷشٸن قاجەتتٸ جاعدايلاردىڭ قامتاماسىز ەتٸلۋٸ ٷشٸن تيٸستٸ تالاپتار ساقتالۋى كەرەك. دٸني ٸس-شارالاردى ٶتكٸزۋگە ارنالعان ٷي-جايلاردىڭ جالپى اۋدانى 20 شارشى مەتردەن باستاپ 100 شارشى مەترگە دەيٸن بولۋى قاجەت, سونداي-اق, ٷي-جايلار كٷزەتتٸ باسقارۋ پۋلتٸنە تٸكەلەي شىعاتىن بەينەكامەرالارمەن جابدىقتالۋى تيٸس.
بۇدان بٶلەك, اتالعان ٷي-جايلار دەرەت الۋ ٷشٸن قاجەتتٸ سانيتارلىق توراپپەن قامتاماسىز ەتٸلٸپ, جەنە زاڭناماعا سەيكەس سانيتارلىق-ەپيدەميولوگييالىق تالاپتارعا ساي بولۋى كەرەك», - دەلٸنگەن حابارلامادا.
ال, قوعامدىق ورىنداردا قۇلشىلىق بٶلمەلەرٸن اشۋ نەمەسە اشپاۋ شەشٸمٸن عيمارات يەلەرٸنٸڭ ٶزدەرٸ قابىلدايدى, سونداي-اق اشۋعا قاجەتتٸ شىعىنداردى دا ٶز قالتالارىنان ٶتەيدٸ.
