فوتو:”قايرات” فك
قازاقستان سۋپەركۋبوگٸنەن كەيٸن «قايرات» كلۋبىنىڭ دەرٸگەرٸ د.تۇرەليەۆ ەۋەجايدا داۋدىڭ ورتاسىنا تٷستٸ. نۇرسۇلتان نازارباەۆ حالىقارالىق ەۋەجايىندا ٸشكٸ رەيسكە تٸركەلۋ كەزٸندە ول قاۋٸپسٸزدٸك قىزمەتكەرٸنٸڭ سۇراعىنا جاۋاپ رەتٸندە ٷستٸندە جارىلعىش زات بار ەكەنٸن ايتىپ ەزٸلدەدٸ, دەپ حابارلايدى Ult.kz.
وقيعادان كەيٸن ەۋەجايدا قاۋٸپسٸزدٸك شارالارى دەرەۋ كٷشەيتٸلٸپ, كينولوگتار مەن پوليتسييا قىزمەتكەرلەرٸ شاقىرىلدى. د.تۇرەليەۆ بٸردەن ۇستالىپ, رەيسكە جٸبەرٸلمەدٸ. ماماندار نىساندى تەكسەرٸپ, بەكٸتٸلگەن تەرتٸپ بويىنشا بارلىق رەسٸمدەردٸ جٷرگٸزدٸ.
العاشقى تەكسەرٸس بارىسىندا:
تەرمينالعا كينولوگييالىق قىزمەت ماماندارى شاقىرىلدى;
ەۋەجاي اۋماعىنا پوليتسييانىڭ جەدەل توبى كەلدٸ;
جولاۋشى رەيستەن تٷسٸرٸلدٸ;
وعان قاتىستى ەكٸمشٸلٸك حاتتاما تولتىرىلدى.
قاۋٸپ راستالماعانىمەن, ساراپشىلار اتاپ ٶتكەندەي, ەۋەجايداعى جارىلعىش زاتقا قاتىستى كەز كەلگەن مەلٸمدەمە, تٸپتٸ ەزٸل بولسا دا, اسا قاۋٸپتٸ بولىپ سانالادى. مۇنداي سٶزدەر قاۋٸپسٸزدٸك الگوريتمٸنٸڭ تولىق ٸسكە قوسىلۋىنا, رەيستەردٸڭ كەشٸگۋٸنە جەنە قوسىمشا كٷشتەردٸڭ جۇمىلدىرىلۋىنا سەبەپ بولادى.
قۇزىرلى ورگاندار ەۋە كٶلٸگٸ نىساندارىندا تەرتٸپ پەن قاۋٸپسٸزدٸك تالاپتارىن قاتاڭ ساقتاۋ كەرەكتٸگٸن تاعى دا ەسكە سالدى. زاڭعا قايشى ەرەكەتتەر مٸندەتتٸ تٷردە قۇقىقتىق جاۋاپكەرشٸلٸككە ەكەلەدٸ.
