Foto:”Qairat” fk
Qazaqstan Sýperkýboginen keiin «Qairat» klýbynyń dárigeri D.Turáliev áýejaida daýdyń ortasyna tústi. Nursultan Nazarbaev halyqaralyq áýejaiynda ishki reiske tirkelý kezinde ol qaýipsizdik qyzmetkeriniń suraǵyna jaýap retinde ústinde jarylǵysh zat bar ekenin aityp ázildedi, dep habarlaidy Ult.kz.
Oqiǵadan keiin áýejaida qaýipsizdik sharalary dereý kúsheitilip, kinologtar men politsiia qyzmetkerleri shaqyryldy. D.Turáliev birden ustalyp, reiske jiberilmedi. Mamandar nysandy tekserip, bekitilgen tártip boiynsha barlyq rásimderdi júrgizdi.
Alǵashqy tekseris barysynda:
terminalǵa kinologiialyq qyzmet mamandary shaqyryldy;
áýejai aýmaǵyna politsiianyń jedel toby keldi;
jolaýshy reisten túsirildi;
oǵan qatysty ákimshilik hattama toltyryldy.
Qaýip rastalmaǵanymen, sarapshylar atap ótkendei, áýejaidaǵy jarylǵysh zatqa qatysty kez kelgen málimdeme, tipti ázil bolsa da, asa qaýipti bolyp sanalady. Mundai sózder qaýipsizdik algoritminiń tolyq iske qosylýyna, reisterdiń keshigýine jáne qosymsha kúshterdiń jumyldyrylýyna sebep bolady.
Quzyrly organdar áýe kóligi nysandarynda tártip pen qaýipsizdik talaptaryn qatań saqtaý kerektigin taǵy da eske saldy. Zańǵa qaishy áreketter mindetti túrde quqyqtyq jaýapkershilikke ákeledi.
