كەگەن اۋدانىنداعى قارقارا اۋىلىندا ٸزتەلەۋ نٷسٸپقوجاەۆ دەگەن ازامات تۇرادى. ونى بٸلٸكتٸ فەرمەر, باعبان ەرٸ گٷل ٶسٸرەتٸن ازامات دەپ ايتۋعا بولادى. «ايبول» اتتى شارۋا قوجالىعى جۇمىس ٸستەيدٸ. جوعارى بٸلٸمدٸ اگرونوم سوڭعى جىلدارى اينالىساتىن كەسٸپتەرٸن ۇلعايتىپ, ٷيٸنٸڭ اينالاسىن كٶز توياتىن دٷنيەلەرمەن كٶمكەرگەن.
ول العاش اۋداندا «باستاۋ-بيزنەس» باعدارلاماسى بويىنشا بٸلٸم الىپ, ارنايى سەرتيفيكات العان سوڭ گٷل ٶسٸرەتٸن جىلىجاي سالۋدى قولعا العان. يگٸلٸكتٸ ٸسٸ وڭىنان بولىپ, وبلىس ەكٸمٸنٸڭ 1 ميلليون تەڭگە گرانتىنا يە بولدى. ەكٸ مەتر تەرەڭدٸكتە قازىلعان جىلىجايىندا گٷل ٶسٸرٸپ, كٶكتەم مەزگٸلٸندە اۋداندىق ەكٸمدٸك پەن بٸرنەشە ەسكەرتكٸشتٸڭ الدىن گٷلمەن تولتىردى. جالپى, ونىڭ گٷلٸن كٶپتەگەن مەكەمە مەن مەكتەپتەر الىپ, پايدالانىپ كەلەدٸ. بٸز ٸزتەلەۋدەي ٸسكەر, ەڭبەكقور ازاماتتىڭ گٷل ٶسٸرەتٸنٸن بۇرىندا جازعان بولاتىنبىز. ەندٸ ول ٷيٸنٸڭ ەكٸنشٸ جاعىنان كٶكٶنٸس ٶسٸرەتٸن جازدىق جىلىجاي سالىپتى. ەنٸ 6 مەتر, ۇزىندىعى 20 مەتر جىلىجايدا قييار, قىزاناق ٶسٸرەدٸ. ەكەۋٸ دە جەمٸس بەرٸپ تۇر. جىلىجايدىڭ جانىندا قىرىققابات, سەبٸز, سارىمساق, كارتوپ, تاعى باسقالارى جايقالا كٶز تارتادى. ٸزتەلەۋدٸڭ قييار, قىزاناق, سارىمساقتارىن كٶرشٸلەرٸ دە ساتىپ الادى.
– قارقارا اۋىلدىق وكرۋگٸ اۋماعىنان 1,5 گەكتار جەر الدىم. اۋىلدى, اۋداندى قامتيتىنداي ٷلكەن جىلىجاي سالۋدى جوسپارلاپ جٷرمٸن. ەزٸر قاراجات جاعىنان قينالىپ تۇرمىن. قىسى-جازى ٸستەيتٸن جىلىجايدا قييار, قىزاناق, كاپۋستا, قىرىققابات ٶسٸرسەم دەگەن ويىم بار. ونىڭ شاپاعاتى ەلگە تيەتٸن ەدٸ. بۇرىننان اينالىسىپ جٷرگەن شارۋالارىمنىڭ بەرٸ تەجٸريبە جيناۋ. ٷلكەن ٸسكە دايىندالۋ, – دەيدٸ ٸزتەلەۋ الداعى جوسپارلارىن سٶز ەتٸپ.
راس, اۋداندا ٷلكەن جىلىجاي جوق. وعان بەل بۋىپ جٷرگەن ازاماتقا قالايدا كٶمەك, قولداۋ كٶرسەتۋ كەرەك. ٶيتكەنٸ, قولعا العان ٸسٸنٸڭ نەتيجەسٸ كٶرٸنٸپ تۇر. 10 ميلليون تەڭگەدەي قاراجات كەرەك ەكەن. جوباسى ٸسكە قوسىلعان كەزدە 5 ادامدى تۇراقتى جۇمىسپەن قامتىماق. مٸنە, ناعىز اگرونوم!
ونىڭ سىرت جاقتا 15 گەكتار ارپاسى, 5 گەكتار كارتوبى بار. جەردٸڭ قاسيەتٸن بٸلەتٸن اگرونوم جٸگٸت وسىنداي جەمٸستٸ جۇمىستار جاساپ كەلەدٸ.
جالپى, ونىڭ ەر كٷنٸ ەڭبەككە تولى. اۋىلدا جۇمىس جوق دەيتٸن جاستارعا ٷلگٸ. ٸزتەلەۋ نٷسٸپقوجاەۆتىڭ زايىبى تۇرعان بۇقاباەۆا اعىلشىن تٸلٸنٸڭ مۇعالٸمٸ. ٷي شارۋاسىنان قولى قالت ەتكەندە اگرونوم جۇبايىنىڭ كٶكٶنٸستەرٸن كٷتۋگە كٶمەكتەسەدٸ. ەكٸ ۇل ٶسٸرگەن. كەلٸنٸ, 3 نەمەرەسٸ بار. شالعاي اۋىلدا ٶزٸنٸڭ ماماندىعى بويىنشا گٷل, كٶكٶنٸس, كارتوپ پەن دەن ٶسٸرٸپ, يگٸلٸگٸن كٶرٸپ كەلە جاتقان ازاماتتىڭ قولى قۋاتتى, ٶمٸرٸ شۋاقتى بولا بەرگەي!
قانات بٸرجانسال
