اتىراۋلىق كەلٸنشەك التىنشى بالاسىن ينفەكتسييالىق ستاتسيوناردا بوساندى, دەپ حابارلايدى "ۇلت اقپارات".
وبلىستىق دەنساۋلىق ساقتاۋ باسقارماسى باسپاسٶز قىزمەتٸنەن مەلٸم ەتكەندەي, 5 بالالى انا نۇرگٷل وڭعارباەۆا «ۆيرۋستىق پنەۆمونييا» دياگنوزىمەن ينفەكتسييالىق ستاتسيونارعا جٷكتٸلٸكتٸڭ 35-اپتاسىندا تٷسكەن.
«العاشقىدا ەلسٸرەۋ, قاتتى قالتىراۋ بايقالدى. كەيٸن موبيلدٸ توپتى ٷيگە شاقىرىپ, كوروناۆيرۋستىق ينفەكتسيياعا پتر سىناماسىن تاپسىردىم. ٷش كٷن ٷيدە امبۋلاتورلىق ەم الدىم. تٶرتٸنشٸ كٷنٸ تەمپەراتۋرا 38 گرادۋسقا دەيٸن كٶتەرٸلگەن سوڭ جەدەل جەردەم شاقىرۋعا تۋرا كەلدٸ» - دەيدٸ نۇرگٷل وڭعارباەۆا.
№2 وبلىستىق اۋرۋحاناداعى ينفەكتسييالىق ستاتسيوناردىڭ بوساندىرۋ زالىندا نۇرگٷل وڭعارباەۆانىڭ التىنشى سەبيٸن ٶمٸرە ەكەلدٸ. دەرٸگەرلەر اناسى مەن سەبيٸن امان ساقتاپ قالۋ ٷشٸن كەسٸر تٸلٸگٸ ارقىلى وتا جاساعان.
«بۇرىن مەن, ٶزگە تۇرعىندار سەكٸلدٸ اۋرۋدىڭ بار ەكەنٸنە سەنبەدٸم. باستاپقىدا وتتەگٸ تٷتٸگٸن كيگٸم كەلمەپ ەدٸ. بٸراق, جانساقتاۋ بٶلٸمٸنە تٷسكەندە امالسىزدان كيەسٸڭ. مۇندا تەۋلٸك بويى كەزەكشٸلٸك ەتٸپ, ادامداردىڭ ٶمٸرٸنە اراشا بولىپ جٷرگەن دەرٸگەرلەردٸ, مەدبيكەلەردٸ كٶرٸپ, باستاپقى ويىمنان اينىپ قالدىم. مەيٸرٸمدٸ دەرٸگەرلەردٸڭ قۇرمەتٸنە قىزىمىزدىڭ ەسٸمٸن مەيٸرٸم اتادىق», - دەيدٸ نۇرگٷل وڭعارباەۆا.
باسپاسٶز قىزمەتٸنٸڭ مەلٸمەتٸنشە, ينفەكتسييالىق ستاتسيوناردا 51 سەبي ٶمٸرگە كەلگەن. قازٸر ستاتسيوناردا 8 ەيەل ەمدەلۋدە. ال, 43 جاس انا سەبيٸمەن بٸرگە ٷيٸنە شىعارىلعان. سەبيلەردٸڭ ەشقايسىسىنان كوروناۆيرۋستىق ينفەكتسييا انىقتالماعان.
