Atyraýlyq kelinshek altynshy balasyn infektsiialyq statsionarda bosandy, dep habarlaidy "Ult aqparat".
Oblystyq densaýlyq saqtaý basqarmasy baspasóz qyzmetinen málim etkendei, 5 balaly ana Nurgúl Ońǵarbaeva «virýstyq pnevmoniia» diagnozymen infektsiialyq statsionarǵa júktiliktiń 35-aptasynda túsken.
«Alǵashqyda álsireý, qatty qaltyraý baiqaldy. Keiin mobildi topty úige shaqyryp, koronavirýstyq infektsiiaǵa PTR synamasyn tapsyrdym. Úsh kún úide ambýlatorlyq em aldym. Tórtinshi kúni temperatýra 38 gradýsqa deiin kóterilgen soń jedel járdem shaqyrýǵa týra keldi» - deidi Nurgúl Ońǵarbaeva.
№2 oblystyq aýrýhanadaǵy infektsiialyq statsionardyń bosandyrý zalynda Nurgúl Ońǵarbaevanyń altynshy sábiin ómire ákeldi. Dárigerler anasy men sábiin aman saqtap qalý úshin kesir tiligi arqyly ota jasaǵan.
«Buryn men, ózge turǵyndar sekildi aýrýdyń bar ekenine senbedim. Bastapqyda ottegi tútigin kigim kelmep edi. Biraq, jansaqtaý bólimine túskende amalsyzdan kiesiń. Munda táýlik boiy kezekshilik etip, adamdardyń ómirine arasha bolyp júrgen dárigerlerdi, medbikelerdi kórip, bastapqy oiymnan ainyp qaldym. Meiirimdi dárigerlerdiń qurmetine qyzymyzdyń esimin Meiirim atadyq», - deidi Nurgúl Ońǵarbaeva.
Baspasóz qyzmetiniń málimetinshe, infektsiialyq statsionarda 51 sábi ómirge kelgen. Qazir statsionarda 8 áiel emdelýde. Al, 43 jas ana sábiimen birge úiine shyǵarylǵan. Sábilerdiń eshqaisysynan koronavirýstyq infektsiia anyqtalmaǵan.
