فوتو: ۆيدەودان سكرينشوت
اتىراۋ وبلىسىنداعى بٷتٸن بٸر وتباسىنىڭ ٶلٸمٸ قازاقستاندىقتاندى دٷر سٸلكٸندٸردٸ. وسى ٸس بويىنشا كٷدٸكتٸلەردٸڭ بٸرٸ – اقبايان مۇقانعاليەۆانىڭ دەنساۋلىق جاعدايىنا قاتىستى جاڭا مەلٸمەتتەر بەلگٸلٸ بولدى, دەپ حابارلايدى Ult.kz Stan.kz-كە سٸلتەمە جاساپ.
بۇعان دەيٸن كٷدٸكتٸلەر سۇلتان سەرسەمەليەۆ پەن ونىڭ جۇبايى اقبايان يندونەزييادان الماتىعا جەتكٸزٸلگەنٸ حابارلانعان بولاتىن. باق مەلٸمەتٸنشە, سۇلتان ناۋرىز بەن ميرامگٷلدٸ (اقباياننىڭ اعاسى مەن ەپكەسٸن) ٶلتٸرگەنٸن مويىنداپ, ولاردىڭ مەيٸتتەرٸن بۇرىن گەولوگ ىقشاماۋدانىندا جالداپ تۇرعان ٷيدٸڭ اۋلاسىنا كٶمگەنٸن ايتقان.
تۋىستارىنىڭ ايتۋىنشا, اقبايان قازٸر اتىراۋدا, اۆانگارد ىقشاماۋدانىنداعى پسيحولوگييالىق قولداۋ ورتالىعىندا مەديتسينالىق-پسيحولوگييالىق كٶمەك الىپ جاتىر.
“ونىڭ پسيحياترييالىق ەسەپتە تۇرعان-تۇرماعانىن بٸلمەيمٸز. بٸراق اقباياننىڭ ەنەسٸنٸڭ ايتۋىنشا, ول قازٸر اتىراۋداعى پسيحياترييالىق مەكەمەدە (پسيحياترييالىق كٶمەك كٶرسەتەتٸن مەديتسينالىق ۇيىم) جاتىر”, – دەدٸ وتباسىنىڭ تۋىسى.
سونداي-اق ٸشكٸ ٸستەر مينيسترلٸگٸنٸڭ مەلٸمەتٸنشە, وتباسىنىڭ كەنجە قىزىنىڭ, ياعني اقباياننىڭ قىلمىسقا قاتىسى بولۋى مٷمكٸن ەكەنٸ تەكسەرٸلٸپ جاتىر. ال ونىڭ پسيحيكالىق جاعدايىن انىقتاۋ ٷشٸن ول سوت-پسيحياترييالىق ساراپتاما جٷرگٸزۋ ماقساتىندا مەديتسينالىق مەكەمەگە جٸبەرٸلدٸ.
قازٸر تەرگەۋ جالعاسىپ جاتىر جەنە ەرەكشە باقىلاۋعا الىندى.
بۇعان قوسا, اقباياننىڭ پسيحيكالىق دەنساۋلىعىنا قاتىستى ەلەۋلٸ مەسەلەلەر بولۋى مٷمكٸن ەكەنٸن بۇعان دەيٸن كٷدٸكتٸنٸڭ اناسى ايتقان. گٷلنار ازمۇقانوۆانىڭ سٶزٸنشە, كەلٸنٸ دەرٸگەرلەردٸڭ باقىلاۋىندا بولعان. ونىڭ ايتۋىنشا, قازٸر شامامەن بٸر جاستاعى بەسٸنشٸ بالاسىن دٷنيەگە ەكەلگەننەن كەيٸن ەيەلدٸڭ پسيحولوگييالىق جاعدايى اۋىرلاپ, ەم قابىلداۋعا مەجبٷر بولعان. سونداي-اق ولار بۇعان دەيٸن دە مەديتسينالىق سەبەپتەرگە بايلانىستى تٷركيياعا بارعان.
اقبايان مەن سۇلتان 2022 جىلدان بەرٸ رەسمي تٷردە اجىراسقان. كٷدٸكتٸنٸڭ اناسىنىڭ سٶزٸنشە, ولار ەيەلدٸڭ اتا-اناسىنىڭ تالابى بويىنشا اجىراسقان.
ەسكە سالايىق, بۇعان دەيٸن 2025 جىلدىڭ كٷزٸندە اتىراۋ وبلىسى قىزىلقوعا اۋدانى جانگەلدين اۋىلىندا بٸر وتباسىنىڭ تٶرت مٷشەسٸ ٸز-تٷسسٸز جوعالعان. كەيٸن ولاردىڭ ەكەۋٸ ەرلٸ-زايىپتى ماقسوت قارابالين مەن ناسيپا ٶتەشقاليەۆانىڭ مەيٸتتەرٸ ٷي اۋلاسىنان تابىلدى. ال ولاردىڭ بالالارى مەيرامگٷل قارابالينا مەن ناۋرىز مۇقانعاليەۆ ەلٸ دە ٸزدەۋدە ەدٸ. بۇل ٸس بويىنشا وتباسىنىڭ كٷيەۋ بالاسى سۇلتان سەرسەمەليەۆ كٷدٸكتٸ رەتٸندە ٸزدەۋگە جارييالانعان ەدٸ.
