Foto: Videodan skrinshot
Atyraý oblysyndaǵy bútin bir otbasynyń ólimi qazaqstandyqtandy dúr silkindirdi. Osy is boiynsha kúdiktilerdiń biri – Aqbaian Muqanǵalievanyń densaýlyq jaǵdaiyna qatysty jańa málimetter belgili boldy, dep habarlaidy Ult.kz Stan.kz-ke silteme jasap.
Buǵan deiin kúdiktiler Sultan Sársemáliev pen onyń jubaiy Aqbaian Indoneziiadan Almatyǵa jetkizilgeni habarlanǵan bolatyn. BAQ málimetinshe, Sultan Naýryz ben Miramgúldi (Aqbaiannyń aǵasy men ápkesin) óltirgenin moiyndap, olardyń máiitterin buryn Geolog yqshamaýdanynda jaldap turǵan úidiń aýlasyna kómgenin aitqan.
Týystarynyń aitýynsha, Aqbaian qazir Atyraýda, Avangard yqshamaýdanyndaǵy psihologiialyq qoldaý ortalyǵynda meditsinalyq-psihologiialyq kómek alyp jatyr.
“Onyń psihiatriialyq esepte turǵan-turmaǵanyn bilmeimiz. Biraq Aqbaiannyń enesiniń aitýynsha, ol qazir Atyraýdaǵy psihiatriialyq mekemede (psihiatriialyq kómek kórsetetin meditsinalyq uiym) jatyr”, – dedi otbasynyń týysy.
Sondai-aq Ishki ister ministrliginiń málimetinshe, otbasynyń kenje qyzynyń, iaǵni Aqbaiannyń qylmysqa qatysy bolýy múmkin ekeni tekserilip jatyr. Al onyń psihikalyq jaǵdaiyn anyqtaý úshin ol sot-psihiatriialyq saraptama júrgizý maqsatynda meditsinalyq mekemege jiberildi.
Qazir tergeý jalǵasyp jatyr jáne erekshe baqylaýǵa alyndy.
Buǵan qosa, Aqbaiannyń psihikalyq densaýlyǵyna qatysty eleýli máseleler bolýy múmkin ekenin buǵan deiin kúdiktiniń anasy aitqan. Gúlnar Azmuqanovanyń sózinshe, kelini dárigerlerdiń baqylaýynda bolǵan. Onyń aitýynsha, qazir shamamen bir jastaǵy besinshi balasyn dúniege ákelgennen keiin áieldiń psihologiialyq jaǵdaiy aýyrlap, em qabyldaýǵa májbúr bolǵan. Sondai-aq olar buǵan deiin de meditsinalyq sebepterge bailanysty Túrkiiaǵa barǵan.
Aqbaian men Sultan 2022 jyldan beri resmi túrde ajyrasqan. Kúdiktiniń anasynyń sózinshe, olar áieldiń ata-anasynyń talaby boiynsha ajyrasqan.
Eske salaiyq, buǵan deiin 2025 jyldyń kúzinde Atyraý oblysy Qyzylqoǵa aýdany Jangeldin aýylynda bir otbasynyń tórt múshesi iz-tússiz joǵalǵan. Keiin olardyń ekeýi erli-zaiypty Maqsot Qarabalin men Nasipa Óteshqalievanyń máiitteri úi aýlasynan tabyldy. Al olardyń balalary Meiramgúl Qarabalina men Naýryz Muqanǵaliev áli de izdeýde edi. Bul is boiynsha otbasynyń kúieý balasy Sultan Sársemáliev kúdikti retinde izdeýge jariialanǵan edi.
