بٷگٸن اتىراۋ وبلىسىنىڭ اۋماعىن شاڭدى داۋىل باستى, دەپ حابارلايدى "ۇلت اقپارات".
قاتتى سوققان جەلدٸڭ ەكپٸنٸ سەكۋندىنا 20 مەترگە جەتٸپ, شاڭدى داۋىلدى كٶتەردٸ. سونىڭ سالدارىنان اتىراۋ قالاسى مەن بٸرنەشە شاعىن اۋداندى شاڭدى داۋىل باستى.
«اۋا رايىنىڭ قولايسىزدىعى ەرتەڭ, 17 ناۋرىزدا دا ساقتالادى. بۇل كٷنٸ جىلدامدىعى سەكۋندىنا 23 مەترگە جەتەتٸن قاتتى جەل بولاتىنى كٷتٸلٸپ وتىر. وسىعان بايلانىستى جٷرگٸزۋشٸلەر جولدا جٷرۋ ەرەجەسٸنە سەيكەس, اراقاشىقتىقتى ساقتاپ, اباي بولعانى جٶن. ال, تۇرعىندار ٷلكەن عيماراتتاردىڭ شاتىرىنان ساق بولۋى كەرەك» دەپ ەسكەرتەدٸ تٶتەنشە جاعدايلار دەپارتامەنتٸ.
