اتىراۋ قالالىق ەكٸمدٸگٸنە قاراستى دامبى اۋىلىندا ەكٸم سايلاۋىنا 7 ٷمٸتكەر ۇسىنىلدى, دەپ حابارلايدى "ۇلت اقپارات".
بۇعان دەيٸن اتىراۋ وبلىسىندا 18 اۋىلدىق وكرۋگتٸڭ ەكٸمٸ سايلاناتىن بولىپ, وعان 73 ٷمٸتكەر ۇسىنىلعان ەدٸ.
وبلىستىق اۋماقتىق سايلاۋ كوميسسيياسىنىڭ تٶراعاسى ازامات ايماناكۋموۆتىڭ ايتۋىنشا, اۋىل ەكٸمٸنٸڭ سايلاۋى اتىراۋ قالاسى مەن 6 اۋداندا ٶتەدٸ. ال, ماقات اۋدانىندا 1 كەنت پەن 2 اۋىلدىق وكرۋگ ەكٸمدەرٸنٸڭ سايلاۋىن ٶتكٸزۋ جوسپارلانباعان. سەبەبٸ, بۇل اۋدانداعى وكرۋگ ەكٸمدەرٸنٸڭ ٶكٸلەتتٸك مەرزٸمٸ اياقتالماعان.
«وكرۋگ ەكٸمدەرٸنٸڭ سايلاۋىنا 73 ٷمٸتكەر ۇسىنىلدى. ونىڭ ٸشٸندە 34 مۇعالٸم (46,6%), 12 زاڭگەر (16,4%), 10 ەكونوميست (13,7%), 8 اۋىل شارۋاشىلىعى مامانى (11%), 1 ينجەنەر (1,3%) مەن 8 باسقا ماماندىق يەلەرٸ (11%) بار. سونداي-اق, 19 ەيەل (26%) بار» -دەيدٸ ازامات ايماناكۋموۆ.
ونىڭ مەلٸمەتٸنە سٷيەنسەك, دامبى اۋىلدىق وكرۋگٸندە ەڭ كٶپ ٷمٸتكەر ۇسىنىلعان. اتىراۋ قالاسىنا تاياۋ ورنالاسقان بۇل اۋىلعا ەكٸم بولعىسى كەلگەن 7 ٷمٸتكەر باق سىناۋعا بەكٸنگەن. سونداي-اق, قايىرشاقتى (اتىراۋ قالاسى) مەن جارسۋات (يندەر اۋدانى) اۋىلدىق وكرۋگتەرٸندە 6, قۇرمانعازى اۋدانىنداعى كۋدرياشوۆ اۋىلدىق وكرۋگٸندە 5 ٷمٸتكەر سايلاۋعا قاتىسۋعا نيەت بٸلدٸرگەن.
