Atyraý qalalyq ákimdigine qarasty Damby aýylynda ákim sailaýyna 7 úmitker usynyldy, dep habarlaidy "Ult aqparat".
Buǵan deiin Atyraý oblysynda 18 aýyldyq okrýgtiń ákimi sailanatyn bolyp, oǵan 73 úmitker usynylǵan edi.
Oblystyq aýmaqtyq sailaý komissiiasynyń tóraǵasy Azamat Aimanakýmovtyń aitýynsha, aýyl ákiminiń sailaýy Atyraý qalasy men 6 aýdanda ótedi. Al, Maqat aýdanynda 1 kent pen 2 aýyldyq okrýg ákimderiniń sailaýyn ótkizý josparlanbaǵan. Sebebi, bul aýdandaǵy okrýg ákimderiniń ókilettik merzimi aiaqtalmaǵan.
«Okrýg ákimderiniń sailaýyna 73 úmitker usynyldy. Onyń ishinde 34 muǵalim (46,6%), 12 zańger (16,4%), 10 ekonomist (13,7%), 8 aýyl sharýashylyǵy mamany (11%), 1 injener (1,3%) men 8 basqa mamandyq ieleri (11%) bar. Sondai-aq, 19 áiel (26%) bar» -deidi Azamat Aimanakýmov.
Onyń málimetine súiensek, Damby aýyldyq okrýginde eń kóp úmitker usynylǵan. Atyraý qalasyna taiaý ornalasqan bul aýylǵa ákim bolǵysy kelgen 7 úmitker baq synaýǵa bekingen. Sondai-aq, Qaiyrshaqty (Atyraý qalasy) men Jarsýat (Inder aýdany) aýyldyq okrýgterinde 6, Qurmanǵazy aýdanyndaǵy Kýdriashov aýyldyq okrýginde 5 úmitker sailaýǵa qatysýǵa niet bildirgen.
