فوتو: اشىق دەرەككٶز
اتىراۋداعى وتباسى مٷشەلەرٸنٸڭ ٶلٸمٸنە قاتىستى كٷدٸككە ٸلٸنگەن ەرلٸ-زايىپتى جاقىن ارادا يندونەزييادان قازاقستانعا قايتارىلادى. بۇل تۋرالى ٸشكٸ ٸستەر مينيسترٸنٸڭ ورىنباسارى سانجار ەدٸلوۆ سەناتتىڭ جالپى وتىرىسىنان كەيٸن جۋرناليستەرگە مەلٸمدەدٸ, دەپ حابارلايدى Ult.kz.
ونىڭ ايتۋىنشا, كٷدٸكتٸلەردٸ ەلگە جەتكٸزۋ وسى ايدىڭ ٸشٸندە جٷزەگە اسۋى مٷمكٸن.
– جاقىن ارادا ەكٸ كٷدٸكتٸ يندونەزييادان قازاقستانعا جەتكٸزٸلەدٸ. ياعني, وسى ايدا الىپ كەلۋدٸ جوسپارلاپ وتىرمىز, – دەدٸ س. ەدٸلوۆ.
سونىمەن قاتار, ول جوعالعان وتباسىنىڭ تاعى ەكٸ ەرەسەك بالاسىن ٸزدەۋ جۇمىستارى جالعاسىپ جاتقانىن اتاپ ٶتتٸ. قىلمىستى تەرگەۋ ٷشٸن ارنايى تەرگەۋ توبى قۇرىلىپ, ولار اتىراۋ وبلىسىندا جۇمىس جٷرگٸزٸپ جاتىر.
ەسكە سالايىق, جانگەلدين اۋىلىندا تۇراتىن بٸر وتباسى 2025 جىلدىڭ سوڭىندا بەلگٸسٸز جاعدايدا جوعالىپ كەتكەن.
6 قاڭتاردا اتىراۋ وبلىسىندا جوعالعان وتباسىنىڭ ەكٸ مٷشەسٸ – وتاعاسى ماقسوت قارابالين مەن ونىڭ جۇبايى نەسٸپ ٶتەشقاليەۆانىڭ مەيٸتتەرٸ سارايدان تابىلدى.
9 قاڭتاردا بۇل قىلمىسقا مارقۇمداردىڭ كٷيەۋ بالاسى سۇلتان سارسەماليەۆ كٷدٸكتٸ ەكەنٸ رەسمي تٷردە حابارلاندى. كەيٸن ونىڭ يندونەزييا اۋماعىندا ۇستالعانى بەلگٸلٸ بولدى.
