Foto: Ashyq derekkóz
Atyraýdaǵy otbasy músheleriniń ólimine qatysty kúdikke ilingen erli-zaiypty jaqyn arada Indoneziiadan Qazaqstanǵa qaitarylady. Bul týraly Ishki ister ministriniń orynbasary Sanjar Ádilov Senattyń jalpy otyrysynan keiin jýrnalisterge málimdedi, dep habarlaidy Ult.kz.
Onyń aitýynsha, kúdiktilerdi elge jetkizý osy aidyń ishinde júzege asýy múmkin.
– Jaqyn arada eki kúdikti Indoneziiadan Qazaqstanǵa jetkiziledi. Iaǵni, osy aida alyp kelýdi josparlap otyrmyz, – dedi S. Ádilov.
Sonymen qatar, ol joǵalǵan otbasynyń taǵy eki eresek balasyn izdeý jumystary jalǵasyp jatqanyn atap ótti. Qylmysty tergeý úshin arnaiy tergeý toby qurylyp, olar Atyraý oblysynda jumys júrgizip jatyr.
Eske salaiyq, Jangeldin aýylynda turatyn bir otbasy 2025 jyldyń sońynda belgisiz jaǵdaida joǵalyp ketken.
6 qańtarda Atyraý oblysynda joǵalǵan otbasynyń eki múshesi – otaǵasy Maqsot Qarabalin men onyń jubaiy Násip Óteshqalievanyń máiitteri saraidan tabyldy.
9 qańtarda bul qylmysqa marqumdardyń kúieý balasy Sultan Sarsemaliev kúdikti ekeni resmi túrde habarlandy. Keiin onyń Indoneziia aýmaǵynda ustalǵany belgili boldy.
