4 قازاندا اتىراۋ قالاسىنىڭ ەكٸمشٸلٸك سوتى قالاداعى جەكەمەنشٸك "قازاق ۇلتتىق قىزدار مەكتەبٸنە" ليتسەنزيياسىز جۇمىس ٸستەدٸ دەپ 53 603 تەڭگە كٶلەمٸندە ايىپپۇل سالۋ تۋرالى قاۋلى شىعاردى, دەپ حابارلايدى ازاتتىق.
9 قىركٷيەكتە "ادىرنا" سايتى "اتىراۋدا جاڭادان اشىلعان "قازاق ۇلتتىق قىزدار مەكتەبٸ" سالافيزم باعىتىندا جەنە قىزداردىڭ بەتٸن تۇمشالاۋعا يتەرمەلەپ جاتىر" دەگەن سارىندا ماقالا جارييالاعان.
وسى ماقالادان كەيٸن اتىراۋ وبلىسى بٸلٸم ساپاسىن قامتاماسىز ەتۋ دەپارتامەنتٸ مەكتەپكە تەكسەرٸس جٷرگٸزٸپ, جەكەمەنشٸك بٸلٸم بەرۋ ورنىنىڭ ليتسەنزيياسىز جۇمىس ٸستەپ جاتقانىن انىقتاعان.
13 قىركٷيەكتە اتىراۋ وبلىسى بٸلٸم ساپاسىن قامتاماسىز ەتۋ دەپارتامەنتٸ باسشىسىنىڭ مٸندەتٸن اتقارۋشى بەردٸبەك تايشەۆ مەكتەپ ٷستٸنەن ەكٸمشٸلٸك كودەكستٸڭ "تيiستi تiركەۋسiز كەسٸپكەرلٸك نە ٶزگە دە قىزمەتپەن اينالىسۋ" بابى بويىنشا حاتتاما تولتىرىپ, سوتقا جولداعان ەدٸ.
14 قىركٷيەكتە قىزدارعا ارنالعان جەكەمەنشٸك مەكتەپتٸڭ ديرەكتورى جۇمازييا جولمۇحانوۆا ازاتتىق تٸلشٸسٸنە "مەكتەپتە سالافيزم يدەولوگيياسىنىڭ ٷگٸت-ناسيحاتى جٷرەدٸ دەگەن اقپارات جالعان جەنە مۇندا وقۋشىلار مەملەكەتتٸك بٸلٸم بەرۋ ستاندارتتارىمەن وقيدى" دەگەن.
سوت پروتسەسٸ 20 قىركٷيەكتە باستالعان ەدٸ. سوتتىڭ باپاسٶز قىزمەتٸ مەكتەپتٸڭ بيىلعى وقۋ جىلىنا 101 وقۋشىنى (بارلىعى جەتٸ سىنىپ) قابىلداپ, تٸركەۋسٸز جەنە رۇقساتسىز بٸلٸم بەرۋمەن اينالىسقانىن حابارلادى.
ال تايشەۆ ازاتتىق تٸلشٸسٸنٸڭ "مەكتەپكە تەكسەرٸس كەزٸندە سالافيزم بەلگٸلەرٸ بايقالدى ما?" دەگەن ساۋالىنا "بٸز بۇل بويىنشا مامان ەمەسپٸز, سوندىقتان ونداي بەلگٸ بار نە جوق دەپ ايتا المايمىز. ٶز قۇزٸرەتٸمٸز شەگٸندە بٸلٸم سالاسىنداعى نورماتيۆتەرگە سەيكەستٸگٸن عانا تەكسەرەمٸز" دەپ جاۋاپ بەردٸ.
مەكتەپ ديرەكتورى جۇمازييا جولمۇحانوۆا سوت قاۋلىسىنا قاتىستى ەزٸرگە ەشتەڭە ايتا المايتىنىن, قۇرىلتايشىلارىمەن كەڭەسەتٸنٸن جەتكٸزدٸ. ونىڭ سٶزٸنشە, مەكتەپ التى ايدان سوڭ ليتسەنزييا الادى, وعان ٶتٸنٸش بەرٸپ قويعان. سوت قاۋلىسىنا ساي, مەكتەپ ايىپپۇلدى ون كٷن ٸشٸندە تٶلەۋٸ تيٸس.
مەكتەپ جۇمىسىن جالعاستىرىپ جاتىر.
