اتىراۋدا دەرٸگەرلەرگە دٶرەكٸلٸك كٶرسەتكەن, ۆاكتسينانىڭ جاعىمسىز ەسەرٸ تۋرالى جالا جاپقان شەتەلدٸككە ايىپپۇل سالىندى, دەپ حابارلايدى قازاقپارات.
بۇعان دەيٸن اتىراۋدا شەتەلدٸك دەرٸگەرلەرگە دٶرەكٸلٸك كٶرسەتكەنٸ انىقتالىپ, № 3 قالالىق ەمحانانىڭ ەكٸمشٸلٸگٸ ۆاكتسينالاۋ بەكەتٸنٸڭ مەدقىزمەتكەرلەرٸن قورلاعانى ٷشٸن, سونداي-اق, ۆاكتسينانىڭ جاعىمسىز ەسەرٸ تۋرالى جالا جاپقانى ٷشٸن پوليتسيياعا ارىز جازعان ەدٸ.
اتىراۋدا مامانداندىرىلعان ەكٸمشٸلٸك سوتىندا «دينا» بازارىندا جٷك تيەۋشٸ بولىپ جۇمىس ٸستەيتٸن ٶزبەكستان رەسپۋبليكاسىنىڭ 24 جاستاعى ازاماتىنا قاتىستى ٸس قارالدى.
«سوت ٸسٸنە سوتتالۋشى مەن دەرٸگەر قاتىستى. سوتتالۋشى ٶز كٸنەسٸن مويىنداپ, دەرٸگەردەن كەشٸرٸم سۇرادى. سوت ٶزبەكستان رەسپۋبليكاسىنىڭ ازاماتىن قر ەكٸمشٸلٸك قۇقىقبۇزۋشىلىق تۋرالى كودەكسٸنٸڭ 434-بابىمەن (ۇساق بۇزاقىلىق) كٸنەلٸ دەپ تانىپ, 10 210 تەڭگە ايىپپۇل سالدى. شەتەلدٸككە جۇمىس بەرۋشٸ – ساۋدا دٷڭگٸرشەگٸنٸڭ يەسٸنە دە ايىپپۇل سالىندى», - دەپ حابارلادى وبلىستىق سوتتىڭ باسپاسٶز قىزمەتٸ.
