اتىراۋدا تٷزەۋ مەكەمەسٸنٸڭ اۋلاسىنا 9 سمارتفون لاقتىرىپ كەتكەن جٸگٸت ۇستالدى, دەپ حابارلايدى قازاقپارات.
اتىراۋ وبلىستىق قىلمىستىق-اتقارۋ جٷيەسٸ دەپارتامەنتٸنە قاراستى ۋگ-157/9 مەكەمەسٸنٸڭ باستىعى دۋمان تەجەنوۆتٸڭ ايتۋىنشا, بۇل دەرەك 30 تامىزدا تٸركەلگەن.
«شامامەن تاڭەرتەڭگٸ 08:30-دا تٷزەۋ مەكەمەسٸنٸڭ اۋلاسىنا بەلگٸسٸز ەر ادام سكوتچپەن ورالعان 11 تٷيٸنشەكتٸ لاقتىرىپ, كٶلٸككە مٸنٸپ كەتكەن. تٷيٸنشەكتەرلەن 9 سمارتفون, 8 اداپتەر, 1 sim-كارتا, 2 فلەش-كارتا باتارەيكا سەكٸلدٸ اكسەسۋارلار تەركٸلەندٸ. وسىنداي تىيىم سالىنعان زاتتاردى تٷزەۋ مەكەمەسٸنٸڭ الۋاسىنا لاقتىرىپ كەتكەن ەر ادام «سەرگەك» بەينەباقىلاۋ كامەرالارىنىڭ كٶمەگٸمەن انىقتالدى. پاترۋلدٸك پوليتسييا قىزمەتكەرلەرٸ ۇستاعان كٷدٸكتٸ قىزىلقوعا اۋدانىندا تۇراتىن 1997 جىلعى ازامات بولىپ شىقتى» -دەپ حابارلادى دۋمان تەجەنوۆ.
قازٸر كٷدٸكتٸگە قاتىستى قر ەكٸمشٸلٸك قۇقىقبۇزۋشىلىق تۋرالى كودەكسٸنٸڭ 481-بابىمەن حاتتاما تولتىرىلىپ, سوتقا جولداندى.
