قر ەكولوگييا, گەولوگييا جەنە تابيعي رەسۋرستار مينيسترٸ ماعزۇم مىرزاعاليەۆ ٶڭٸرلەردەگٸ ەكولوگييالىق احۋالدى جاقسارتۋ تۋرالى جول كارتالارى قالاي ورىندالاتىنىن تٷسٸندٸردٸ, دەپ حابارلايدى قازاقپارات.
«اتىراۋ وبلىسى بويىنشا «تۋحلايا بالكا» بۋلانۋ الاڭىن قالپىنا كەلتٸرۋ باستالدى. بيىل اتىراۋ قالاسىنىڭ سول جاعالاۋىندا جاڭا كەرٸز-تازارتۋ قۇرىلعىلارى پايدالانۋعا بەرٸلەدٸ. سونداي-اق, 2023 جىلى اياقتالاتىن ەسكٸ كەرٸز-تازارتۋ نىساندارىن قايتا قۇرۋ جۇمىستارى جٷرٸپ جاتىر. 2024 جىلى «كۆادرات» بۋلانۋ الاڭىن تازارتۋ اياقتالادى», - دەدٸ مىرزاعاليەۆ بٷگٸنگٸ ٷكٸمەت وتىرىسىندا.
ونىڭ ايتۋىنشا, اقتٶبە وبلىسىندا فەرروقورىتپا زاۋىتىندا تسەحتاردى جاڭعىرتۋ جەنە قايتا قۇرۋ جوباسىن ٸسكە اسىرۋ باستالدى. نەتيجەسٸندە 2022 جىلدىڭ اياعىندا شىعارىندىلار 30%-عا ازايادى.
«ال الماتى قالاسى بويىنشا ەكٸنشٸ جەنە ٷشٸنشٸ جىلۋ ەلەكتر ورتالىعىن جاڭعىرتۋ جوباسى جەدەلدەتۋدٸ قاجەت ەتەدٸ. ٶز كەزەگٸندە, ەكٸمدٸك قوعامدىق كٶلٸكتٸ گازعا كٶشٸرۋ جەنە جەل رەجيمٸن زەرتتەۋ جۇمىستارىن جٷرگٸزٸپ, كەيٸننەن باس جوسپارعا تٷزەتۋلەر ەنگٸزۋٸ كەرەگٸن اتاپ ٶتەمٸن. قاراعاندى وبلىسىندا قول قويىلعان «ارسەلور ميتتال تەمٸرتاۋ» مەموراندۋمىنا سەيكەس, 2025 جىلعا دەيٸن اتموسفەراعا شىعارىندىلاردى 30% تٶمەندەتۋگە مٸندەتتەنەدٸ. سونداي-اق تەمٸرتاۋ قالاسىنىڭ اينالاسىنا 500 مىڭ اعاش وتىرعىزىلادى», - دەيدٸ ەكولوگييا مينيسترٸ.
شىعىس قازاقستان وبلىسىندا «كازتسينك» كەسٸپورىنىنىڭ مەموراندۋمىنا سەيكەس, اتموسفەراعا شىعارىندىلار 20%-عا تٶمەندەيدٸ دەپ كٷتٸلۋدە. سونداي-اق, قولدانىستاعى قاتتى تۇرمىستىق قالدىقتار پوليگوندارى سەيكەستەندٸرٸلەدٸ.
«ماڭعىستاۋ وبلىسىندا «قوشقار اتا» تاريحي لاستانۋىن جويۋ باستالدى. اياقتاۋ 2023 جىلعا جوسپارلانعان. بۇدان باسقا, «قازمۇنايگاز» كومپانيياسى 2024 جىلعا دەيٸن 2,5 ملن توننا مۇناي قالدىقتارىن جويۋدى جەنە كەدەگە جاراتۋدى جوسپارلاپ وتىر. قازٸردٸڭ ٶزٸندە 437 مىڭ توننا جويىلدى. ٶڭٸرلەردەگٸ ەكولوگييالىق پروبلەمالاردى شەشۋ ولاردىڭ قىسقا مەرزٸمدە ورىندالۋىن تالاپ ەتەتٸنٸن ەسكەرە وتىرىپ, جول كارتالارىن بەلگٸلەنگەن مەرزٸمدە ورىنداۋ جٶنٸندە تٷبەگەيلٸ شارالار قابىلداۋ قاجەت دەپ سانايمىز», - دەدٸ ماعزۇم مىرزاعاليەۆ.
