QR Ekologiia, geologiia jáne tabiǵi resýrstar ministri Maǵzum Myrzaǵaliev óńirlerdegi ekologiialyq ahýaldy jaqsartý týraly jol kartalary qalai oryndalatynyn túsindirdi, dep habarlaidy QazAqparat.
«Atyraý oblysy boiynsha «Týhlaia balka» býlaný alańyn qalpyna keltirý bastaldy. Biyl Atyraý qalasynyń sol jaǵalaýynda jańa káriz-tazartý qurylǵylary paidalanýǵa beriledi. Sondai-aq, 2023 jyly aiaqtalatyn eski káriz-tazartý nysandaryn qaita qurý jumystary júrip jatyr. 2024 jyly «Kvadrat» býlaný alańyn tazartý aiaqtalady», - dedi Myrzaǵaliev búgingi Úkimet otyrysynda.
Onyń aitýynsha, Aqtóbe oblysynda ferroqorytpa zaýytynda tsehtardy jańǵyrtý jáne qaita qurý jobasyn iske asyrý bastaldy. Nátijesinde 2022 jyldyń aiaǵynda shyǵaryndylar 30%-ǵa azaiady.
«Al Almaty qalasy boiynsha ekinshi jáne úshinshi jylý elektr ortalyǵyn jańǵyrtý jobasy jedeldetýdi qajet etedi. Óz kezeginde, ákimdik qoǵamdyq kólikti gazǵa kóshirý jáne jel rejimin zertteý jumystaryn júrgizip, keiinnen bas josparǵa túzetýler engizýi keregin atap ótemin. Qaraǵandy oblysynda qol qoiylǵan «Arselor Mittal Temirtaý» memorandýmyna sáikes, 2025 jylǵa deiin atmosferaǵa shyǵaryndylardy 30% tómendetýge mindettenedi. Sondai-aq Temirtaý qalasynyń ainalasyna 500 myń aǵash otyrǵyzylady», - deidi Ekologiia ministri.
Shyǵys Qazaqstan oblysynda «Kaztsink» kásiporynynyń memorandýmyna sáikes, atmosferaǵa shyǵaryndylar 20%-ǵa tómendeidi dep kútilýde. Sondai-aq, qoldanystaǵy qatty turmystyq qaldyqtar poligondary sáikestendiriledi.
«Mańǵystaý oblysynda «Qoshqar ata» tarihi lastanýyn joiý bastaldy. Aiaqtaý 2023 jylǵa josparlanǵan. Budan basqa, «QazMunaiGaz» kompaniiasy 2024 jylǵa deiin 2,5 mln tonna munai qaldyqtaryn joiýdy jáne kádege jaratýdy josparlap otyr. Qazirdiń ózinde 437 myń tonna joiyldy. Óńirlerdegi ekologiialyq problemalardy sheshý olardyń qysqa merzimde oryndalýyn talap etetinin eskere otyryp, jol kartalaryn belgilengen merzimde oryndaý jóninde túbegeili sharalar qabyldaý qajet dep sanaimyz», - dedi Maǵzum Myrzaǵaliev.
