فوتو: پد
اتىراۋدا قاساقانا ايتۆ جۇقتىردى دەگەن كٷدٸكپەن ەكٸ ادامنىڭ زاڭسىز قىزمەتٸ توقتاتىلدى, - دەپ حابارلايدى اتىراۋ وبلىسى پد.
پوليتسييانىڭ مەلٸمەتٸنشە, 23 جەنە 28 جاستاعى ەكٸ ادام ۇستالعان. ولار 2025 جىلى جەلتوقساننان باستاپ ٶزدەرٸندە ايتۆ ينفەكتسيياسى بار ەكەنٸن بٸلە تۇرا, ارنايى مەديتسينالىق ەسەپتە تۇرعانىنا قاراماستان, ترانس تۇلعالار رەتٸندە اقىلى ينتيم قىزمەت كٶرسەتۋٸن جالعاستىرعان.
اتىراۋ وبلىسى پوليتسييا دەپارتامەنتٸنٸڭ ۇيىمداسقان قىلمىسقا قارسى كٷرەس باسقارماسىنىڭ قىزمەتكەرلەرٸ جەدەل ٸس-شارالار جٷرگٸزگەن.
"كٷدٸكتٸلەر ۇستالىپ, ۋاقىتشا ۇستاۋ يزولياتورىنا قامالدى. بۇل جايتقا قاتىستى ٶزٸندە اۋرۋ بار ەكەنٸن بٸلە تۇرا, باسقا ادامعا ايتۆ ينفەكتسيياسىن جۇقتىرۋ دەرەگٸ بويىنشا قىلمىستىق ٸس قوزعالدى. ازاماتتاردىڭ ٶمٸرٸ مەن دەنساۋلىعىنا قاساقانا قاۋٸپ تٶندٸرۋ - اۋىر قىلمىس", - دەدٸ پوليتسييا.
قازاقستاننىڭ زاڭناماسىنا سەيكەس مۇنداي ەرەكەتتەر ٷشٸن 5 جىلدان 10 جىلعا دەيٸن باس بوستاندىعىنان ايىرۋ جازاسى قاراستىرىلعان. قازٸر تەرگەۋ جٷرگٸزٸلٸپ, جەبٸرلەنۋشٸلەر انىقتالىپ جاتىر.
"ەربٸر دەرەككە قۇقىقتىق باعا بەرٸلەدٸ. ەربٸر كٸنەلٸ ادام زاڭ الدىندا تولىق جاۋاپ بەرەدٸ", - دەدٸ پوليتسييا.
