Foto: PD
Atyraýda qasaqana AITV juqtyrdy degen kúdikpen eki adamnyń zańsyz qyzmeti toqtatyldy, - dep habarlaidy Atyraý oblysy PD.
Politsiianyń málimetinshe, 23 jáne 28 jastaǵy eki adam ustalǵan. Olar 2025 jyly jeltoqsannan bastap ózderinde AITV infektsiiasy bar ekenin bile tura, arnaiy meditsinalyq esepte turǵanyna qaramastan, trans tulǵalar retinde aqyly intim qyzmet kórsetýin jalǵastyrǵan.
Atyraý oblysy Politsiia departamentiniń Uiymdasqan qylmysqa qarsy kúres basqarmasynyń qyzmetkerleri jedel is-sharalar júrgizgen.
"Kúdiktiler ustalyp, ýaqytsha ustaý izoliatoryna qamaldy. Bul jaitqa qatysty ózinde aýrý bar ekenin bile tura, basqa adamǵa AITV infektsiiasyn juqtyrý deregi boiynsha qylmystyq is qozǵaldy. Azamattardyń ómiri men densaýlyǵyna qasaqana qaýip tóndirý - aýyr qylmys", - dedi politsiia.
Qazaqstannyń zańnamasyna sáikes mundai áreketter úshin 5 jyldan 10 jylǵa deiin bas bostandyǵynan aiyrý jazasy qarastyrylǵan. Qazir tergeý júrgizilip, jábirlenýshiler anyqtalyp jatyr.
"Árbir derekke quqyqtyq baǵa beriledi. Árbir kináli adam zań aldynda tolyq jaýap beredi", - dedi politsiia.
