اتىراۋ قالالىق سوتى التى ادامدى قازاقستاندا تىيىم سالىنعان "تابليعي جاماعات" دٸني ۇيىمىنىڭ قىزمەتٸنە ارالاستى دەپ ايىپتاپ, ەكٸ جىلدان ٷش جىلعا دەيٸنگٸ مەرزٸمدەرگە سوتتادى.
قالالىق №2 سوتتىڭ مەلٸمەتٸنشە, الماتى, اتىراۋ جەنە شىعىس قازاقستان وبلىستارىنىڭ التى تۇرعىنى 2016 جىلى ماڭعىستاۋ جەنە الماتى وبلىستارىندا, ودان بۇرىنىراقتا الماتىدا "تابليعي جاماعات" ۇيىمىنىڭ يدەيالارىن تاراتتى دەپ ايىپتالعان. سوت ماتەريالدارى بويىنشا, سوتتالۋشىلار وسى ۇيىمنىڭ ٷندٸستان, پەكٸستان جەنە بانگلادەشتەگٸ وقۋ ورتالىقتارىندا بٸلٸم العان.
"ۇيىمنىڭ ەڭ بەلسەندٸ مٷشەسٸنە ٷش جىل, قالعان بەسەۋٸنە ەكٸ جىلدان جازا كەسٸلدٸ" دەپ حابارلادى سوتتىڭ باسپاسٶز قىزمەتٸ. سوت شەشٸمٸمەن ولارعا ەكٸ جىلدان ٷش جىلعا دەيٸن دٸني قىزمەتپەن اينالىسۋىنا تىيىم سالىندى. سوتتالۋشىلار جازاسىن جالپى رەجيمدەگٸ كولونييادا ٶتەمەك.
سوت ايىپتالۋشىلار ۇستالعان كەزدە ولاردان ورىس جەنە قىرعىز تٸلدەرٸندەگٸ تىيىم سالىنعان كٸتاپتار تابىلعانىن عانا حابارلاپ, اتى-جٶندەرٸن ايتپادى.
قازاقستاندا "تابليعي جاماعات" ۇيىمى 2013 جىلى ەكسترەميستٸك دەپ تانىلىپ, قىزمەتٸنە تىيىم سالىنعان. بيلٸكتٸڭ ۇيعارىمىنشا, "تابليعي جاماعات" ورتالىق ازييادا يسلام حاليفاتىن قۇرۋدى كٶزدەيدٸ.
قازاقستاندا 2013 جىلدان بەرٸ بۇل ۇيىمنىڭ قىزمەتٸنە ارالاستى دەگەن ايىپپەن ونداعان ادام سوتتالدى.
