اتىراۋدا «سارايشىق» اتاۋىمەن ەدەبي-مەدەني, تاريحي-تانىمدىق جۋرنال جارىققا شىقتى, دەپ حابارلايدى "ۇلت اقپارات".
«اتىراۋ-اقپارات» جشس ديرەكتورى ىسقاق ەگەمبەرديەۆتٸڭ ايتۋىنشا, جاڭا باسىلىم وبلىس ەكٸمٸ ماحامبەت دوسمۇحامبەتوۆتٸڭ قولداۋىمەن جارىق كٶردٸ. «سارايشىق» – اتىراۋداعى ەدەبي-مەدەني, تاريحي-تانىمدىق باعىتتاعى تۇڭعىش باسىلىم. «اتىراۋ-اقپارات» مەدياحولدينگٸ جانىنان ايىنا بٸر رەت شىعادى. العاشقى نٶمٸرٸ 500 دانامەن شىقتى. كەلەسٸ جىلدان باستاپ 2000 دانامەن تارالا باستايدى.
«جۋرنالدىڭ «سارايشىق» اتالۋىنىڭ ٶزٸندٸك سيمۆوليكالىق ماعىناسى بار. كەزٸندە ٶركەنيەتتٸڭ باستاۋى بولعان بۇل شاھار ۇلى جٸبەك جولى بويىنداعى ۇلتتىق تاريحىمىز بەن مەدەنيەتٸمٸزدٸڭ مەيەگٸنە, رۋحانيياتىمىزدىڭ عاجايىپ وشاعىنا اينالعان. سول سەبەپتەن, شەجٸرەلٸ شاھار اتاۋىمەن ۇلتتىق سانانى جاڭعىرتاتىن ەدەبي-مەدەني, تاريحي-تانىمدىق باسىلىمدى شىعارۋدى جٶن كٶردٸك» - دەيدٸ ىسقاق ەگەمبەرديەۆ.
ونىڭ ايتۋىنشا, باسىلىمنىڭ اقىلداستار القاسىندا اقىن, قازاقستان جازۋشىلار وداعىنىڭ تٶراعاسى ۇلىقبەك ەسدەۋلەت, جازۋشى, مەملەكەتتٸك سىيلىقتىڭ يەگەرٸ دۋلات يسابەكوۆ, اقىن, حالىقارالىق «الاش» ەدەبي سىيلىعىنىڭ لاۋرەاتى عالىم جايلىباي, كومپوزيتور, جازۋشى, ٶنەر زەرتتەۋشٸسٸ يليا جاقانوۆ, عالىم, فيلولوگييا عىلىمدارىنىڭ دوكتورى عاريفوللا ەنەس سەكٸلدٸ قازاقتىڭ كٶرنەكتٸ قالامگەرلەرٸ مەن عالىمدارى بار.
«جۋرنالدىڭ بەتاشارى تۇڭعىش پرەزيدەنت – ەلباسى ن.نازارباەۆتىڭ, مەملەكەت باسشىسى ق.توقاەۆتىڭ ۇلت رۋحانيياتى تۋرالى ورامدى ويلارىمەن اشىلدى. اتىراۋ وبلىسىنىڭ ەكٸمٸ م.دوسمۇحامبەتوۆ جاڭا باسىلىمعا اقجولتاي تٸلەگٸن ارنادى. اقىن ع.جايلىبايدىڭ ەلەمدٸ دٷر سٸلكٸندٸرگەن پاندەمييا تۋرالى شىعارماشىلىق ٸزدەنٸستەن تۋعان «?» (سۇراق بەلگٸسٸ) ٶلەڭدەر توپتاماسى, جازۋشى ز.جۇمانوۆانىڭ ٶمٸر شىندىعىن شىنايى سۋرەتتەگەن پروزالىق شىعارمالارى, ابايدىڭ 175 جىلدىعىنا وراي جارييالانعان جازۋشى, ابايتانۋشى م.مىرزاحمەتۇلىنىڭ «ابايدىڭ ەل-فارابيدٸ تانۋى», جازۋشى ق.جٷسٸپتٸڭ «جۇمەكەن باللادالارى» دەگەن تاقىرىپتاعى زەرتتەۋ ماقالالارى, جازۋشى س.دٷيسەنبيەۆتٸڭ «جاپىراقتار دا جىلايدى» ەڭگٸمەسٸ, ەدەبيەت سىنشىسى ا.كەڭشٸلٸكۇلىنىڭ «تاعدىرمەن بەتپە-بەت» تاقىرىبىنداعى زەرتتەۋ ماقالاسى, سۋرەتكەر ر.سەيسەنباەۆتىڭ شەتەل كلاسسيكتەرٸنٸڭ شىعارمالارىنا تالداۋ جاساعان «قۇداي تەۋبەسٸنە تٷسكەن كٷن» اتتى زەرتتەۋ ماقالاسى, تٷركٸستاندىق عالىم, سازگەر ب.سەردەلٸنٸڭ «تٷركٸستان مەن سارايشىق» تاريحى تاعدىرلاس, تامىرلاس» دەپ اتالاتىن قوس قالانىڭ قازاق ٶركەنيەتٸندە الار ورنى تۋرالى تاريحي تولعانىسى جارييالاندى. سونداي-اق, جازۋشىلار س.لاتيەۆا مەن م.تەج-مۇرات شىعارماشىلارىنا ورىن بەرٸلدٸ» - دەيدٸ «اتىراۋ-اقپارات» جشس ديرەكتورى ىسقاق ەگەمبەرديەۆ.
جۋرنالدىڭ العاشقى نٶمٸرٸن تانىستىرۋ رەسٸمٸنە وبلىس باسشىلىعى, جەرگٸلٸكتٸ جۋرناليستەر مەن عالىمدار, سونداي-اق, كسرو جەنە قازاقستان رەسپۋبليكاسى مەملەكەتتٸك سىيلىقتارىنىڭ لاۋرەاتى, قازاقستاننىڭ ەڭبەك ەرٸ, تەاتر جەنە كينو اكتەرٸ اسانەلٸ ەشٸموۆ, مەملەكەتتٸك سىيلىقتىڭ لاۋرەاتى, قازاقستاننىڭ حالىق ارتيسٸ, ەنشٸ-كومپوزيتور التىنبەك قورازباەۆ, رەسپۋبليكالىق ايتىسكەرلەر جەنە جىرشى-تەرمەشٸلەر وداعىنىڭ باسشىسى, قازاقستاننىڭ ەڭبەك سٸڭٸرگەن قايراتكەرٸ, اقىن جٷرسٸن ەرمان, حالىقارالىق «الاش» ەدەبي سىيلىعىنىڭ لاۋرەاتى, «جۇلدىز» جۋرنالىنىڭ باس رەداكتورى, اقىن عالىم جايلىباي, اقىن سۆەتقالي نۇرجانوۆ, حالىقارالىق «الاش» ەدەبي سىيلىعىنىڭ لاۋرەاتى, «انا تٸلٸ» گازەتٸنٸڭ رەداكتورى, اقىن جاناربەك ەشٸمجان, باتىس قازاقستانداعى قادىر مىرزا-ەلي اتىنداعى ٶنەر ورتالىعىنىڭ ديرەكتورى, اقىن باۋىرجان حاليوللا, قازاقستان جازۋشىلار وداعى نۇر-سۇلتان فيليالى ديرەكتورى, اقىن دەۋلەتكەرەي كەپۇلى سەكٸلدٸ ۇلت زييالىلارى قاتىستى.
