اتىراۋدا داعدارىس ورتالىعىنا تۇرمىستىق زومبىلىق كٶرگەن 18 انا مەن 30-دان استام بالا ورنالاستىرىلعان, دەپ حابارلايدى قازاقپارات.
وبلىستىق پوليتسييا دەپارتامەنتٸنٸڭ باستىعى, پوليتسييا پولكوۆنيگٸ قامزا ٷمبەتقاليەۆتىڭ ايتۋىنشا, جىل باسىنان بەرٸ وتباسىنداعى تۇرمىستىق زومبىلىققا قاتىستى 800-گە جۋىق قۇقىق بۇزۋشىلىق انىقتالعان.
«ەر ازاماتتاردىڭ الكوگولدٸك ٸشٸمدٸككە تەۋەلدٸ بولۋىنان ەيەلدەرگە قاتىستى زورلىق-زومبىلىق تۋىندايدى. سونىڭ كەسٸرٸنەن كٶپتەگەن وتباسىنىڭ شىرقى بۇزىلىپ, بالالارى زارداپ شەگەدٸ. مەسەلەن, بيىلعى 8 ايدا تۇرمىستىق زورلىق-زومبىلىققا ۇشىراعان ەيەلدەرگە كٶمەك كٶرسەتەتٸن داعدارىس ورتالىعىنا 18 انا مەن 30-دان استام بالا ورنالاستىرىلدى. وتباسىنداعى تۇرمىستىق قاتىناسقا بايلانىستى زاڭدىلىققا قايشى 800-گە جۋىق قۇقىق بۇزۋشىلىق انىقتالىپ, كٸنەلٸلەر قر ەكٸمشٸلٸك قۇقىقبۇزۋشىلىق تۋرالى كودەكسٸنٸڭ 73-بابىمەن ەكٸمشٸلٸك جاۋاپكەرشٸلٸككە تارتىلدى», - دەيدٸ قامزا ٷمبەتقاليەۆ.
