فوتو: اتىراۋ وبلىستىق تجد
اتىراۋدا جايىق ٶزەنٸنٸڭ مۇزى ويىلىپ, سۋعا تٷسٸپ كەتكەن ەكٸ ادامنىڭ بٸرەۋٸ قۇتقارىلدى. قازٸر ەكٸنشٸ ادامدى ٸزدەۋ جالعاسىپ جاتىر, دەپ حابارلايدى قازاقپارات.
وبلىستىق تٶتەنشە جاعدايلار دەپارتامەنتٸنٸڭ قوعاممەن بايلانىس توبىنان مەلٸم ەتكەندەي, وقيعا بٷگٸن, 5 قاڭتاردا بولعان.
اتىراۋ قالاسىنىڭ ماڭىنداعى جۇمىسكەر اۋىلىنان جەرگٸلٸكتٸ ۋاقىتپەن ساعات 11:14-تە ەكٸ ادامنىڭ جايىق ٶزەنٸنٸڭ مۇزى ويىلىپ, سۋعا تٷسٸپ كەتكەنٸ تۋرالى شاقىرتۋ تٷسكەن.
وقيعا ورنىنا جەتكەن وبلىستىق پوليتسييا دەپارتامەنتٸ بالىق قورىنا قىلمىستىق قول سۇعۋشىلىققا قارسى ٸس-قيمىل بٶلٸمٸنٸڭ ينسپەكتورلارى, پوليتسييا كاپيتانى جەتكٸنشەك يمانعاليەۆ پەن پوليتسييا اعا سەرجانتى ايبات جاۋىمباەۆ جەدەل جەتكەن.
ولار ٶزەنگە باتىپ كەتكەلٸ تۇرعان بٸر ادامدى ارقانمەن ۇستاپ قالعان.
«جەدەل-قۇتقارۋ جاساعىنىڭ قۇتقارۋشىلارى مەن پوليتسييا قىزمەتكەرلەرٸ جايىق ٶزەنٸنە تٷسٸپ كەتكەن 1974 جىلعى ەر ادامدى قۇتقارىپ قالدى. قۇتقارىلعان ەر ادام وبلىستىق اۋرۋحاناعا جەتكٸزٸلدٸ», - دەپ حابارلادى دەپارتامەنتتٸڭ قوعاممەن بايلانىس توبى.
قازٸر جايىق ٶزەنٸنە تٷسٸپ كەتكەن 1975 جىلعى ەر ادامدى سۋ استىنان ٸزدەستٸرۋ جالعاسىپ جاتىر.
اۆارييالىق-قۇتقارۋ جۇمىستارىنا اتىراۋ وبلىستىق تٶتەنشە جاعدايلار دەپارتامەنتٸنەن 8 قۇتقارۋشى, 2 تەحنيكا مەن 1 قايىق تارتىلعان.
