اتىراۋلىق دەرٸگەرلەر مۇز استىنا تٷسٸپ كەتٸپ, ۇزاق ۋاقىت بويى سۋدىڭ ٸشٸندە بولعان ٷش جاسٶسپٸرٸمنٸڭ جاعدايى تۋرالى ايتتى, دەپ حابارلايدى قازاقپارات تٸلشٸسٸ.
«پوليتسەيلەر قۇتقارىپ قالعان جاسٶسپٸرٸمدەر شۇعىل تٷردە وبلىستىق بالالار اۋرۋحاناسىنا جەتكٸزٸلدٸ. ولاردىڭ جاعدايى اۋىر بولعان جوق, دەگەنمەن, الاڭداۋشىلىق بولدى. بالالار مۇزداي سۋدىڭ استىندا قالىپ قويعان, سالقىن تيگەن. وعان قوسا, ەسەڭگٸرەپ قالعان. پنەۆمونيياعا شالدىعۋى ەبدەن مٷمكٸن ەدٸ. بٸراق, قازٸر بارلىعى جاقسى. اعزالارى جاس بولعاندىقتان, ساۋىعىپ كەلە جاتىر. ٶمٸرلەرٸنە ەشقانداي قاۋٸپ جوق», - دەدٸ وبلىستىق بالالار اۋرۋحاناسىنىڭ دەرٸگەرٸ مٷبەراك سەرسەنوۆ.
ەسكە سالايىق, قايعىلى وقيعا 4 قاڭتار كٷنٸ كەشكٸ ۋاقىتتا بولدى. تٶرت جاسٶسپٸرٸم تومارلى كەنتٸ ماڭىندا جايىق ٶزەنٸنٸڭ ٷستٸندە ويناپ جٷرٸپ, مۇز استىنا تٷسٸپ كەتكەن. بٸرەۋٸ كٶز جۇمىپ, ٷشەۋٸ امان قالدى. ٶز بەتٸمەن سۋدان شىعا العان بالالاردىڭ بٸرٸ وقيعا تۋرالى حابار بەرگەن.
«كاپيتان قۋاندىق سٷيٸندٸكوۆ پەن لەيتەنانت تيمۋر بالماعانبەتوۆ حابار تٷسكەننەن كەيٸن كٶمەك كٶرسەتۋگە بارعان. ولار 2004 جەنە 2005 جىلعى بالالاردى جاعاعا شىعاردى. پوليتسييا قىزمەتكەرلەرٸنٸڭ بٸرٸنٸڭ كيٸمٸندەگٸ كامەرادان پوليتسەيلەر ٶزەن ورتاسىنان ەستٸلٸپ تۇرعان بالالاردىڭ داۋىسىنا قاراي بارا جاتقانىن كٶرۋگە بولادى. قۇتقارۋ كەزٸندە بالالاردىڭ اياق-قولىنىڭ جانى كەتٸپ قالعان. جاسٶسپٸرٸمدەردٸڭ بٸرٸ: «ماما, سەنٸ جاقسى كٶرەمٸن» دەپ قالجىراي ايتىپ جاتتى. ٶكٸنٸشكە وراي, پوليتسەيلەر بٸر بالانى قۇتقارا المادى – ول تەرتٸپ ساقشىلارى كەلگەنگە دەيٸن سۋ استىنا باتىپ كەتتٸ», - دەدٸ ٶڭٸرلٸك پوليتسييا دەپارتامەنتٸنٸڭ باسپاسٶز قىزمەتٸنەن.
قۇتقارىلعان ٷش جاسٶسپٸرٸم وبلىستىق بالالار اۋرۋحاناسىنا جەتكٸزٸلدٸ. 2004 جىلعى بالانىڭ دەنەسٸ تابىلدى, ونى سٷڭگۋٸرلەر سۋدان الىپ شىقتى.
