اتىراۋدا قازاقستاننىڭ ەڭبەك ەرٸ, اقىن, جازۋشى مۇحتار شاحانوۆتىڭ جىر كەشٸ ٶتتٸ, دەپ حابارلايدى قازاقپارات.
ماحامبەت اتىنداعى وبلىستىق اكادەمييالىق قازاق دراما تەاترىندا مۇحتار شاحانوۆتىڭ 80 جاسقا تولۋ مەرەيتويىنا وراي «عاسىردىڭ عالامات اقىنى» اتتى پوەزييا كەشٸ ٶتتٸ.
مۇحتار شاحانوۆتىڭ الداسپان اقىن ماحامبەت رۋحىنا, كٶسٸلە اققان جايىق ٶزەنٸنە ٸڭكەرلٸگٸ تۋىندىلارىنان انىق اڭعارىلادى. سول سەبەپتەن شىعارماشىلىق كەش اقىننىڭ شوقتىعى بيٸك جىرلارىنان قۇرالعان «سەلەم, ۇلى جايىعىم!» اتتى تەاترلاندىرىلعان پرولوگپەن اشىلدى. بۇدان سوڭ وبلىس ەكٸمٸ سەرٸك شەپكەنوۆ مەرەيتوي يەسٸن قۇتتىقتاپ, بەرەكەلٸ عۇمىر مەن شىعارماشىلىق شابىت تٸلەدٸ.
«بٸز بٷگٸن جىرلارىن قازاق حالقى جاتقا بٸلەتٸن اقىن, جەلتوقسان جىلناماسىنان رومان-ەپوپەيا جازعان جازۋشى, ەندەرٸن بارشا جۇرت شىرقاعان كومپوزيتور, قازاق تٸلٸنٸڭ قامى ٷشٸن شىبىن جانىن شٷبەرەككە تٷيٸپ كٷرەسكەن قايراتكەر مۇحتار شاحانوۆپەن كەزدەسٸپ وتىرمىز. مۇحيتقا قۇياتىن ٶزەن سەكٸلدٸ تابيعات سىيعا بەرگەن بار تالانتىن, ازاماتتىق اسىل قاسيەتٸن جوعارى باعالاپ, مەملەكەت باسشىسى قاسىم-جومارت توقاەۆ ۇلىتاۋدا ٶتكەن ۇلتتىق قۇرىلتايدىڭ العاشقى وتىرىسىندا «بۇل كٸسٸ ٶتە ادال, شىنشىل, ۇلتجاندى ادام. مەن مۇحتار شاحانوۆقا قازاقستاننىڭ ەڭبەك ەرٸ اتاعىن بەرۋ تۋرالى جارلىققا قول قويدىم» دەپ جوعارى باعا بەردٸ. بۇدان ارتىق قانداي باعا بەرۋگە بولادى. جىر سٷيگەن, سٶز قادٸرلەگەن اتىراۋ جۇرتشىلىعىنىڭ اتىنان بيٸگٸڭٸزبەن سٷيسٸندٸرٸپ, تەرەڭدٸگٸڭٸزبەن ويلاندىرىپ, ورتامىزدا ەردەيٸم امان جٷرۋٸڭٸزگە تٸلەكشٸمٸن», - دەدٸ سەرٸك شەپكەنوۆ.
ٶز كەزەگٸندە قازاق پوەزيياسىنىڭ تانىمال ٶكٸلٸ, اقىن مۇحتار شاحانوۆ جٸبەككە تٸزگەن لاعىل مونشاقتاي اق باتىسىن بەرٸپ, اتىراۋ جۇرتشىلىعىنا العىس بٸلدٸردٸ.
جىر كەشٸندە اقىننىڭ سٶزٸنە جازىلعان ەندەر شىرقالىپ, ٶلەڭدەرٸ وقىلدى.
