فوتو: azh.kz
اتىراۋدا 15 جاستاعى وقۋشى ٸنجۋمارجان قۋانىشقىزىنا ٸزدەۋ جارييالاندى. بۇل تۋرالى اق جايىق باسىلىمى حابارلادى.
قىزدىڭ اناسى ونىڭ جوعالۋىن مەكتەپ ەكٸمشٸلٸگٸمەن بولعان جانجالمەن بايلانىستىرادى. اناسىنىڭ ايتۋىنشا, وقۋ جىلىنىڭ باسىندا قىزىن جاڭا مەكتەپكە اۋىستىرعان. الايدا كٶپ ۇزاماي وقۋشى مەن ديرەكتوردىڭ تەربيە ٸسٸ جٶنٸندەگٸ ورىنباسارى اراسىندا تٷسٸنٸسپەۋشٸلٸك تۋىنداعان. ەيەلدٸڭ سٶزٸنشە, كەيٸن سىنىپ ٸشٸندە قىزىنا قارسى تٷسٸنٸكتەمە جيناۋ باستالعان. وسى جاعدايعا بايلانىستى ول e-Otinish پورتالى ارقىلى رەسمي شاعىم تٷسٸرگەن.
«قىزىما ديرەكتوردىڭ ورىنباسارى تاراپىنان قىسىم جاسالدى. سىنىپتاستارىن وعان قارسى تٷسٸنٸكتەمە جازۋعا مەجبٷرلەدٸ. كەيٸن قۇجاتتارىن الىپ كەتۋگە يتەرمەلەدٸ», – دەيدٸ اناسى.
19 اقپاندا مەكتەپتەن قوڭىراۋ تٷسكەن, الايدا اناسى جۇمىس ورنىندا بولعاندىقتان جاۋاپ بەرە الماعان. كەلەسٸ كٷنٸ مەكتەپكە بارعاندا وعان وقۋشىلاردىڭ جازباشا تٷسٸنٸكتەمەلەرٸ كٶرسەتٸلٸپ, قىزىنىڭ قۇجاتتارىن الۋ قاجەتتٸگٸ ايتىلعان.
وسىدان كەيٸن قىز ٷيٸنە كەلگەن. الايدا بٸراز ۋاقىتتان سوڭ پەتەردەن قايتا شىعىپ كەتٸپ, سودان بەرٸ ورالماعان. قازٸرگٸ ۋاقىتتا كەمەلەتكە تولماعان جاسٶسپٸرٸمگە ٸزدەۋ جارييالانىپ, ونى پوليتسييا ٸزدەستٸرٸپ جاتىر.
باسىلىم مەلٸمەتٸنشە, 10 «پ» سىنىبىنىڭ اتا-انالارى دا ديرەكتوردىڭ ورىنباسارىنىڭ جۇمىس تەسٸلدەرٸن تەكسەرۋدٸ سۇراپ, ۇجىمدىق ٶتٸنٸش جولداعان. ٶتٸنٸشتە وقۋشىلاردان ەرتٷرلٸ سەبەپتەرمەن تٷسٸنٸكتەمە جازدىرۋ, سىنىپتى تاراتۋ تۋرالى ەسكەرتۋ جاساۋ, بالالاردىڭ تەلەفوندارىن ساباق بويى الىپ قويۋ جەنە مەسەلە تالقىلانعان كەزدە اتا-انالار چاتىن جابۋ دەرەكتەرٸ كٶرسەتٸلگەن.
