فوتو: اتىراۋ بٸلٸم باسقارماسى
اتىراۋدا مەكتەپ تٷلەگٸ جازيرا كەڭەسوۆا ناۋرىز ايىنداعى ۇلتتىق بٸرىڭعاي تەستٸلەۋدە بارلىق سۇراققا دۇرىس جاۋاپ بەرٸپ, ەڭ جوعارى 140 بالل جينادى, دەپ حابارلايدى Ult.kz Kazinform-عا سٸلتەمە جاساپ.
دارىندى وقۋشى اتىراۋ قالاسىنداعى وبلىستىق دارىندى بالالارعا ارنالعان ۇلتتىق مامانداندىرىلعان گيمنازييانىڭ 11-سىنىبىندا وقيدى. وقۋ ورنىنىڭ مەلٸمەتٸنشە, جازيرا قاڭتار ايىنداعى ۇبت-دا 138 بالل جيناعان بولسا, ناۋرىزداعى تەستٸلەۋدە نەتيجەسٸن 140 باللعا جەتكٸزگەن.
ول ەمتيحانعا تەك مەكتەپ باعدارلاماسىمەن عانا ەمەس, قوسىمشا دايىندىق كۋرستارى ارقىلى دا دايىندالعان. سونىمەن قاتار گيمنازيياداعى بەلسەندٸ وقۋشىلاردىڭ بٸرٸ ەرٸ «پاراسات» دەبات كلۋبىنىڭ پرەزيدەنتٸ.
جازيرا قازاق تٸلٸ مەن ەدەبيەتٸنە ەرەكشە قىزىعۋشىلىق تانىتادى. وسى پەندەر كومبيناتسيياسىن تاڭداعان تٷلەك بولاشاقتا فيلولوگييا سالاسىن مەڭگەرۋدٸ جوسپارلاپ وتىر.
ايتا كەتەيٸك, بۇعان دەيٸن سەمەي قالاسىنىڭ وقۋشىسى ەراسىل سايلاۋوۆ تا ناۋرىز ايىنداعى ۇبت-دا 140 بالل جيناعانى حابارلانعان ەدٸ. سونداي-اق استانادا 140 بالل جيناعان تاعى بٸر تٷلەككە جەكە مەكتەپ باسشىسى Zeekr ماركالى ەلەكتروموبيل سىيعا تارتقان بولاتىن.
